Xiaomi 13T və Xiaomi 13T Pro smartfonlarının rəsmi premyerası yaxınlaşır, lakin bu modellər haqqında demək olar ki, hər şey artıq məlumdur. Bir həftə əvvəl biz Xiaomi 13T Pro-nun yüksək keyfiyyətli renderlərini və spesifikasiyaları məlum olmuşdur. Həmin model Redmi K60 Ultra ilə eyni olub birə-bir onun xüsusiyyətlərini əldə etmişdi. indi də Xiaomi 13T sadə modeli barəsində 18 dəqiqəlik canlı qutu açma videosu nümayiş etdirilib.
Cihaz Full HD+ təsvir ölçüsünə və maksimum parlaqlığı 2600 cd/m2 (nit) olan 6,67 düymlük OLED ekrana sahibdir. Parametrlərdə 60 Hz və ya 144 Hz rejimlərini seçə bilərsiniz. 90 və ya 120 Hz kimi standart ara seçimlər yoxdur. Ekran paneli birə-bir Xiaomi 13T Pro ilə eynidir. Dimensity 8200 Ultra çipseti ilə təchiz olunan cihaz orta-üst seqmentdə rəqabətcil performansa malikdir. 50MP IMX707 əsas kamerasının yanında standart olaraq 8MP ultra-geniş bucaqlı, 2MP makro kameraları quraşdırılıb. Selfi kamerası 20MP təsvir ölçüsünə malikdir.
Bu hissədə qeyd etməliyik ki, “Pro” variantda həm bundan, həm də Redmi K60 Ultra modelindən fərqli olaraq telefoto kamerası da quraşdırılacaq. Eyni zamanda LEICA imzalı obyektivlərdən istifadə ediləcək. Yəni, Xiaomi 13T Pro kiçik toxunuşlarla bütün bu modellərdən güclü olmalıdır.
Xiaomi 13T modelinin canlı görüntüləri üzərindən danışmağa geri qayıtdıqda isə smartfon 5000 mAs həcmli 67 vatt sürətli şarj dəstəkləyən batareya ilə təchiz edilib. IP68 sertifikatı ilə suya və toza qarşı davamlıdır. Xiaomi 13T seriyasının təqdimatı yaxın 1 həftə ərzində baş tutacaq.
