Xiaomi rəsmi olaraq Xiaomi 13T Pro olacağı gözlənilən Redmi K60 Ultra modelini elan etdi. Qlobal bazarda Xiaomi 13T Pro adı ilə satışa çıxarılacaq Redmi K60 Ultra çox daha sərfəli qiymətə flaqman telefonlara rəqib olacaq. Yenilikçi xüsusiyyətləri, performansı və orta səviyyəli kamera təcrübəsi ilə seçilən K60 Ultra modelinə gəlin daha yaxından nəzər salaq.
Çinli brend ənənəvi qaydada qiymət-performans diqqətini daha irəli səviyyələrə aparmaqdan yana addımlar atır. Məsələn, Redmi K60 Ultra-nın ən diqqət çəkən xüsusiyyətlərindən biri onun ekranıdır. Smartfon 1.5K təsvir ölçülü, yəni 1440×3200 piksellik və 144Hz yeniləmə tezliyi təklif edən 6,67 düymlük OLED ekranla təchiz edilib. Onu da qeyd edək ki, Corning Gorilla Glass Victus ilə qorunan bu panel günəş işığı və əks olunmalara qarşı tam olaraq 2600 nit parlaqlığa çata bilir.
Flaqman qatil telefonu gücünü 4nm istehsal prosesinə əsaslanan MediaTek Dimensity 9200+ çipsetindən alır. Bu çipset fantastik performansa sahibdir. Hansı ki, 3.35 GHz maksimum tezliyi ilə, ikinci bir Pixelworks X7 təsvir prosessoru ilə gücünü birləşdirib ekstremal nəticə göstərir. Bundan əlavə, smartfonu 24GB-a qədər LPDDR5X RAM və 1TB-a qədər UFS4.0 yaddaş seçimləri ilə təklif olunur. Pixelworks X7 nədir desəniz, texniki baxımdan yüksək güclü ekran panellərinin görüntüləri optimal şəkildə işləməsində cihazlara quraşdırılır.
Cihazın kamera quruluşu isə ideal deyə biləcəyimiz səviyyənin cüzi altındadır. Arxa tərəfdə 1/1,49 düym ölçülü üçlü 50MP Sony IMX800 sensoru quraşdırılıb. Bu sensor OIS ilə gücləndirilib. 8MP geniş bucaqlı kamera və 2MP makro kamera isə konfiqurasiyanı tamamlayır. Bundan əlavə, istifadəçilərə 8K 24 FPS-ə qədər video yazmaq imkanı təklif olunur. Ön tərəfdə video zənglər və selfi çəkilişləri üçün standart 20MP sensor var. Yəni, nəticə etibarilə Xiaomi yenə telefoto kamerasını bu səviyyəyə əlavə etmir. Lakin əsas kamera baxımından cihaz yaxşı nəticə göstərə biləcək.
Redmi K60 Ultra qutudan Android 13 əsaslı MIUI 14 interfeysi ilə çıxır. 120 Vatta qədər sürətli doldurma dəstəyi ilə 5000 mAs batareya smartfona quraşdırılır Nəzərinizə çatdıraq ki, bu quraşdırma Xiaomi imzalı Surge P1 Fast Charge çipi ilə gücləndirilib. Beləliklə, Xiaomi daha sürətli sürətlə daha stabil və təhlükəsiz şarj təcrübəsi vəd edir. Redmi K60 Ultra-nın digər xüsusiyyətlərinə iki ədəd həqiqi stereo dinamiklər, su və toza qarşı IP68 sertifikatı, ekranın altındakı barmaq izi sensoru, Bluetooth 5.3 və 5G dəstəyi daxildir. Təqdimatda verilən məlumata görə, Redmi K60 Ultra modelinin qiyməti 12GB RAM və 256GB yaddaşa sahib versiyası üçün 360 dollar olacaq. 24GB RAM və 1TB yaddaşlı modelin qiyməti 495 dollar olaraq müəyyən edilib.
