Withings, CES 2025 sərgisində konsept məhsulu olan süni intellekt əsaslı ağıllı güzgü Omnia-nı təqdim edib. Satışa çıxarılması üçün çox uzun müddət tələb olunan bu məhsul bədəninizi skan edə, sağlamlıq məlumatlarınızı göstərə və səsli köməkçisi ilə sizinlə əlaqə saxlaya bilər.
Yanvarın 11-dək davam edəcək Consumer Electronics Fair (CES) 2025 sərgisində, süni intelleket ilə əlaqəli bir çox məhsul görmək mümkündür. Onlardan biri də Withings şirkətinin süni intellekt ilə işləyən ağıllı güzgü modeli Omnia-dır. Fərqli ağıllı cihazları ilə tanıdığımız Withings, elmi fantastika filmindən bir fraqment kimi xüsusiyyətlərə sahib ağıllı güzgü təqdim edib. O, bədəninizi skan edə, sağlamlıq məlumatlarınızı göstərə və səs köməkçisi ilə sizə cavab verə bilər. Ağıllı ev məhsulları kateqoriyasına daxil edə biləcəyimiz Omnia güzgü çox maraqlı xüsusiyyətlərə malikdir. Bu məhsul bədəninizi 360 dərəcə skan edə bilir. Bu skandan sonra sağlamlıq məlumatlarınızı göstərir. Buradan ürəyinizə, çəkinizə, ağciyərlərinizə və digər sağlamlıq xüsusiyyətlərinə dair məlumat ala bilərsiniz.
Bütün bu məlumatlar birbaşa güzgü ekranında sizə göstərilir. Siz onu güzgü formalı telefon kimi düşünə bilərsiniz. O, hətta sağlamlıq məlumatlarınızı ekspertlərə göndərməklə tibbi məsləhət almağa kömək edir. Səsli köməkçi sayəsində isə güzgü ilə danışmaq mümkündür. Bununla belə, qeyd etmək lazımdır ki, Omnia tamamilə tək başına işləyən bir cihaz deyil. Ekosistemin bir parçası olduğunu söyləmək olar. Omnia smart saatları kimi məhsullarla inteqrasiya edərək sağlamlıq məlumatlarınızı toplayır. Omnia konseptual məhsuldur. Beləliklə, onun satışa çıxarılması yaxın illərdə gözlənilən deyil. Birincisi, klinik müayinələrdən keçməli və lazımi təsdiqləri almalıdır. O, həmçinin daha çox AI inteqrasiyasına ehtiyac duyur.
