2013-cü ildə OnePlus brendini təsis edən, lakin 2020-ci ildə ayrılan Pete Lau ötən gün yeni brendinin ilk smartfonunu təqdim etdi. Aydındır ki, söhbət Nothing Phone (1) modelindən gedir. Bir neçə ay əvvəl bizi çox həyəcanlandıran bu smartfon təqdimatdan sonra heyfislənməyimizə səbəb oldu. Çünki, sahib olduğu texniki xüsusiyyətləri və qiyməti nəzərə alındıqda qəribə görünüşündən başqa ciddi bir rəqabətcil üstünlüyü ilə qarşılaşmadıq.
Realme GT 2 Master Explorer Edition bizə nə vəd edir?
Smartfon iPhone 12 modelinə bənzəyən kəskin kənarlı gövdəyə sahibdir. Arxa tərəfdə şəffaf hissiyatı verilən qarmaşıq dizayn elementləri istifadə edilib. Kameranın ətrafında, naqilsiz şarj nöqtəsinin kənarlarında alt və sağ üst hissələrdə ümumilikdə 900 ədəd dioddan ibarət LED işıqlar mövcuddur. Həmin LED işıqlar batareya vəziyyəti, bildiriş, zəng və.s qəbul edərkən fərqli formada effektlər yarada bilər. İstifadəçiyə işıqlara özəlləşdirmə etmək üçün xüsusi parametrlər təklif olunur. Həddindən artıq parlaq olan bu LED-lər fənər kimi də işlədilə bilər. Dizaynı artıq həftələrdir məlum olduğundan çox söz deməyə ehtiyac yoxdur.
Nothing Phone (1) modelinin performansı
Şirkət Phone (1) modelini Snapdragon 778G+ çipseti ilə təchiz edib. Performansı orta-üst seqment üçün ideal səviyyədədir. Smartfon Nothing OS (1) əsaslı Android 12 əməliyyat sistemini işlədir və “bloatware” adlandırdığımız üçüncü tərəf lazımsız tətbiqlərə bu əməliyyat sistemində yer verilmir. Üç ilə qədər Android yeniləməsi alacaq və 1 il əlavə olaraq təhlükəsizlik yeniləməsi də Nothing brendi tərəfindən bu model üçün təmin ediləcək. LPDDR5 operativ yaddaş və UFS 3.1 texnologiyaları cihazda mövcuddur.
Nothing Phone (1) modelinin kamerası
Smartfona 2 ədəd kamera sensoru quraşdırılıb. Onlardan biri 50MP IMX766 əsas sensordur və həm OIS, həm EIS ilə gücləndirilib. Digəri isə 114° ultra-geniş bucaqlı (eyni zamanda makro xüsusiyyətinə malik) 50MP ISOCELL JN1 kamera sensorudur və yalnız EIS dəstəyinə malikdir. Qəribədir ki, 114° ultra-geniş bucaqlı kamera əslində o qədər də geniş baxış bucağına sahib deyil. Firma heç olmasa 130° baxış bucağına sahib obyektiv istifadə etsə daha yaxşı olardı. Öndə isə 16MP IMX471 selfi kamerası mövcuddur. 4K keyfiyyətdə maksimum 30FPS videolar qeydə ala bilir.
Phone (1) modelinin ekranı
Cihaza 6.55 düymlük FHD+ OLED ekran paneli quraşdırılıb. 120Hz görüntü yeniləmə tezliyinə sahib bu ekran 60-120Hz arasında adaptiv olaraq dəyişmə edə bilir. Sensor tezliyi isə 240Hz təşkil edir. 10 bit rəng dərinliyinə, 1200 nit maksimum parlaqlığa sahib ekran orta-üst seqment üçün kifayət qədər yaxşıdır. Ekranın kənar çərçivələri biraz kobud olsa da hər tərəfdən eyni qalınlıqdadır. Ekran paneli Gorilla Glass 5 ilə qorunur
Smartfonun batareyası, qiyməti və yerdə qalan detallar
Belə ki, 4500 mAs batareyası 33 Vt sürətli doldurma dəstəkləyir. Bu dəyərlər də rəqiblər ilə müqayisədə biraz zəif qalır, çünki smartfonun 100% doldurulması 1 saatdan çox çəkir. Əlavə olaraq 15 Vt naqilsiz və 5 Vt tərs şarj dəstəkləyir. Su və toza qarşı IP53 sertifikatı səviyyəsində qorunur. Nothing Phone (1) modelində Dolby Atmos dəstəkli stereo səs ucaldanlar da quraşdırılıb.
16 iyul tarixində satışlarına başlanacaq Nothing Phone (1) modelinin Avropa qiyməti:
- 8-128GB 3499¥ (469 €)
- 8-256GB 3799¥ (499 €)
- 12-256GB 3999¥ (549 €)
