Bildiyimiz kimi, 30 sentyabr tarixində Sora tətbiqi Kanada və ABŞ-da yaşayan iOS istifadəçiləri üçün istifadəyə verilib. Appfigues məlumatlarına görə yeni istifadəyə versilən bu proqram hələ təqdim edildiyi ilk həftədən 627 min endirmə sayı əldə edərək uğur qazanıb. Qeyd edək ki, bu nəticə ChatGPT-nin 606 min-lik endirmə sayından bir qədər yüksəkdir. Beləliklə, deyə bilərik ki, Sora endirmə sayına görə təqdim olunduğu ilk həftədə ChatGPT-ni üstələməyi bacarıb.
Ümumiyyətlə, 30 sentyabrda təqdim olunan bu tətbiq ABŞ App Store tətbiqində bir nömrəli proqrama yüksələ bilib. Kanadada isə endirmələrin sayı təxminən 45 minə çatıb. İlk həftəsində ən yüksək gündəlik yükləmə 107,800 olub. Buna baxmayaraq, dəvət sistemi ilə fəaliyyət göstərən Sora böyük diqqət toplayıb. Əslində bu trendin arxasında Sora ilə düzəldilən kontentlərin sosial media platformalarında məşhurlaşması olub.
Qeyd edək ki, Sora-nın fərqləndirici xüsusiyyəti mətnlə realist videolar yaratmaq bacarığıdır. Bununla belə, proqramın deepfake imkanları da bəzi mübahisələrə səbəb olub. Ölən insanların üzlərindən istifadə bəzi istifadəçilər üçün etik və hüquqi problemlər yaradıb. Hətta bir çox ulduzlar bu süni intellekt tətbiqinin bacarıqlarından narahat olduqlarını bildiriblər.
