Bəzi flaqman Android telefonlarında artıq məşhur olan periskopik obyektivin iPhone 15 seriyasının Pro modelinə daxil ediləcəyi ilə bağlı iddialar var. Haitong International Securities analitiki Jeff Pu deyib ki, həm iPhone 15 Pro, həm də iPhone 15 Pro Max modellərində periskopik obyektivin olub-olmayacağı barədə məlumat verib. Jeff Pu daha əvvəl elan etmişdi ki, iPhone 15 Pro modellərində optik yaxınlaşdırmanın artırılmasına imkan verən periskop kamera sistemi olacaq. Bu xüsusiyyət bir neçə il əvvəl analitik Ming-Chi Kuo tərəfindən proqnozlaşdırıldı. O, Apple-ın öz periskopik obyektiv texnologiyasını iPhone 14 Pro modelinə gələcəyini iddia etdi. Lakin daha son çıxan sızıntılar bunun üçün gələn ilə qədər gözləməli olacağımızı göstərir.
iPhone 15 seriyası periskopik obyektivə sahib olacaq
iPhone 15 seriyasının 2023-cü ildə elan ediləcəyi gözlənilsə də, Apple hazırda bir çox yeni xüsusiyyətlər və dizayn elementləri ilə iPhone 14 seriyasını bu ilin sonunda təqdim etməyə hazırlaşır. Onların arasında ən diqqət çəkəni iPhone 14 Pro və iPhone 14 Pro Max modellərindəki həb formalı selfi kəsiyidir. iPhone 14 və iPhone 14 Plus modellərində isə köhnə çəntikli dizaynı saxlanacağı gözlənilir. Hətta dörd iPhone 14 modelinin hamısı 6GB operativ yaddaş ilə gələcək, amma yalnız iki “Pro” modeli LPDDR5-ə yüksəldiləcək. Digər modellər isə LPDDR4X yaddaşla gələcək.
Jeff Pu-nun araşdırmasına görə, 15 Pro modellərindən ən azı biri Apple-ın uzun müddətdir danışılan periskopik obyektivi ilə gələcək. Apple iki Pro modeli üçün yəni həm 15 Pro, həm də 15 Pro Max modellərində yeni texniki xüsusiyyətlər təklif etsə də istifadəçilərin daha yüksək varianta üstünlük verməsi üçün bu kameranı yalnız Pro Max üçün də nəzərdə tuta bilər.
Hələlik iPhone 15 seriyası haqqında yeni məlumat yoxdur, lakin Avropa və ABŞ-da baş verən son irləliləyişlər onun bütün dünyada müştərilər tərəfindən çoxdan tələb olunan başqa bir yeni funksiya ilə gələ biləcəyini göstərir. iPhone 15 seriyasının Avropa Birliyinin yeni qaydalarına uyğun olaraq Lightning yerinə USB-C portu ilə gəlməsi gözlənilir. Bəs siz bu mövzu haqqında nələr fikirləşirsiniz? Fikirlərinizi bizimlə bölüşməyi unutmayın.
