Məlum məsələdir ki, hal-hazırda plastik tərkibli torbaların istifadəsi ekoloji problemləri daha da pisləşdirir. Ona görə tədqiqatçılar tərəfindən daim yeni üsullar axtarılır. Sadə çıxış yolları kimi kağız tipli, çürüyə bilən paketlərin istifadə edilməsi məsləhət görülsə də praktikada o qədər də effektiv nəticə göstərmədiyi üçün fərqli bir çıxış yolu tapmaq mütləqdir. Xüsusilə meyvə-tərəvəz tipli qida məhsullarının saxlanılması zamanı market kimi yerlərdə plastik torbaların istifadəsi məhsulların tez korlanmasının qarşısını ala bilmir. Üstəlik qida təhlükəsizliyi cəhətdən də yaxşı deyil. New Jersey-də yerləşən Rutgers School of Public Health tədqiqatçıları, Harvard Universiteti ilə birlikdə bu problemlərin üstəsindən gəlmək üçün polisaxarid tərkibli qidaları sağlam saxlaya bilən sprey hazırlayıb. İddialara görə sadə plastik qablarla müqayisədə bu sprey qidaları 50%-ə qədər daha uzun müddət təzə kimi saxlaya bilir.
Qidaları sağlam saxlaya bilən bioloji sprey su ilə yuyulduqda həll ola biləcək
Tədqiqatın əsas adlarından biri olan Philip Demokritou bildirir ki, bazarda mövcud olan neft mənşəli qida bağlamalarından imtina etməliyik. Bunun yerinə daha təmiz, bioloji cəhətdən təbiətdə yox ola bilən, zəhərli olmayan bir şey lazımdır. Eyni zamanda qida təhlükəsizliyinin və saxlama müddətinin də artırılmasını təmin edəcək elə bir şey hazırlanmalıdır ki, məhsullar tez xarab olaraq israf edilməsin.
Philip Demokritou və digər tədqiqatçılar tam olaraq nəzərdə tutduqları şeyi hazırlamağı bacarıblar. Polisaxarid tərkibli biopolimer liflər isti hava vuran qurğudan keçirilərək qida məhsulunun üstünə püskürdülür. Tərkibindəki antibakterial maddələr sayəsində çürüməyə qarşı bu örtük qidanı qorumağı bacarır. Ona görə də üstdə qeyd etdiyimiz kimi məhsulun saxlama müddəti 50%-ə qədər artır.
Nature üzərində dərc olunmuş rəsmi məqalədəki örtükləmənin video görüntüsü
Qida məhsulunu yeməmişdən əvvəl su ilə yuduqda rahatlıqla həll olur. Tədqiqatçılar qeyd edir ki, bu bio örtük üç gün ərzində torpaqda çürüyüb yox ola bilir. Tamamilə təmiz və geridə heç bir iz qoymayan texnologiya olduğu vurğulanır. Hətta deyilənlərə görə bu tərkibdə elementlər gələcəkdə qida qaynaqlı xəstəliklərin həll olunmasında da istifadə edilə bilər. Böyük bir ehtimalla təbii antimikrobik tərkibə malik olduğundan insan sağlamlığı üçün zərərli olmadığını tədqiqatçılar vurğulamaq istəyir.
Su ilə təmizləmənin video görüntüsü
