Bütün Apple modellərinin nə vaxtdan Type-C girişinə keçirilə biləcəyi barədə məşhur analitik məlumat verib. Əvvəllər iPhone 14 seriyasında bu yeniliyin gətirilməsi gözlənilirdi. Lakin iddia edilənə görə bu tarix biraz gecikəcək. Yəni ən azından iPhone 15 seriyasına qədər gözləməli olacağıq.
Nəhayət bütün Apple cihazları Type-C girişi ilə təmin olunacaq!
Belə ki, Ming Chi Kuo bir neçə həftə əvvəl iPhone 14 seriyası modellərində bu özəlliyin mövcudluğundan bəhs edirdi. Hər il belə iddialar ortaya atılsa da reallıqda öz əksini tapmır. Eyni insayder o vaxt dediyi fikirləri təkzib edib və Type-C yuvasının iPhone 15 seriyasına qədər təxirə salındığını bildirib. iPhone 15 seriyasında qutuya indiyə qədər istehsal edilən Lightning kabellərinin istifadəsi üçün çevirici yerləşdiriləcək. Bununla insanlar əvvəldən sahib olduqları köhnə kabelləri işlədilə biləcəklər.
Şirkətin digər cihazlarında da dəyişiklik edilməsi gözlənilir. Bütün yeni nəsil AirPods-lar və digər Apple istehsalı məhsullar hər iki ucu Type-C olan kabellərlə təchiz edilə bilərlər. Nə qədər müsbət bir hal kimi görünsə də Apple ekosistemində edilən bu dəyişikliyə pis baxanlar da var. Ekoloqlar qeyd edir ki, bütün cihazlarda eyni vaxtda Lightning yuvasından imtina edilməsi böyük bir çirklilik yaradacaq. Bəli, bu yenilik bizə bir adapter ilə çox sayda cihazı eyni anda doldurmağa imkan verir. Lakin Apple tərəfindən indiyə qədər milyonlarla Lightning kabeli istehsal edilib. İnsanlar çevirici ilə köhnə kabeli işlətməkdənsə birdəfəlik yeni üsuldan yararlanmağa üstünlük verəcəklər.
Hər nə olursa olsun Apple iPhone modellərində yeni yuvanın testlərinə çoxdan başlayıb. Bloomberg istinadən verilən məlumatda bu barədə qeyd edilir. Böyük bir ehtimalla 2023-cü ildən Apple bizə Lightning girişindən imtina etdiyini bildirəcək. Bu işin sürətlənməsinə müəyyən qədər Avropa Birliyinin məcburiyyəti də təsir göstərmiş ola bilər. Hansı ki, Avropa birliyi tərəfindən qarşıdakı dövr ərzində yeni qanun layihəsinin qəbul edlməsi gözlənilir. Bu qanun layihəsi çərçivəsində istehsalçılar yalnız Type-C girişinə sahib cihazları bazara çıxara biləcəklər. Standarta uyğun olmayan məhsullar, məsələn lightning girişinə sahib iPhone modelləri satış üçün yararsız hesab ediləcək. Yeni standartın nə vaxtdan tətbiq ediləcəyi məlum deyil.
Əla məqalədir!!
Təşəkkürlər