NASA-nın hər il təşkil etdiyi CineSpace qısametrajlı film müsabiqəsi üçün müraciətlər artıq başlayıb. İstər peşəkar, istərsə də həvəskar olan hər kəs bu film yarışmasına dəvətlidir. Yarışmaya qatılanlar NASA-nın arxivindəki görüntülərdən istifadə edərək öz kosmik xəyallarını ekranlara gətirəcək.
NASA və Houston kino sənəti assosiasiyasının hər il təşkil etdiyi CineSpace müsabiqəsinə müraciət etmək üçün yaşınız 18 və ya daha böyük olmalıdır. 18 yaşına çatmamış şəxslər valideynlərinin imzası ilə müsabiqədə iştirak edə bilərlər. Dünyanın hər yerindən kinorejissorlar, redaktorlar və animatorlar NASA-nın rəqəmsal arxivlərini araşdırmağa və real NASA kadrlarından ilhamlanaraq qısametrajlı filmlər yaratmağa dəvətlidir. Filmlər kreativlik, innovasiya kimi təfərrüatlara diqqət yetirmələrə görə qiymətləndiriləcək. CineSpace-ə daxil olmaq ödənişli deyil və müsabiqəyə ən çox 5 ədəd qısametrajlı film göndərmək mümkündür.
NASA-nın CineSpace film müsabiqəsi üçün müəyyən edilmiş şərtlər:
- Film ingilis dilində və ya ingilis dilində altyazı ilə olmalıdır;
- Filmin müddəti maksimum 10 dəqiqə olmalıdır;
- Film 1 yanvar 2020-ci ildən sonra hazırlanmış olmalıdır;
- NASA şəkil və videoları istisna olmaqla, bütün video və şəkillər mütləq orijinal olmalıdır;
- Filmin ən azı 10%-i NASA kadrlarından ibarət olmalıdır.
Müsabiqəyə necə qatılmaq olar?
- Tongal.com saytına daxil olun;
- Tongal hesabınıza daxil olun (əgər yoxdursa hesab yaradın);
- Müraciət formasını doldurun;
- Filminizin nüsxəsini HD 720p təsvir ölçüsündə yükləyin (əgər finalist olsanız sizdən filmin 1080p formatı istəniləcək);
- Nüsxəni doldurduqdan sonra ‘Submit’ düyməsini klikləyərək ərizənizi tamamlayın;
- Uğurlar!
NASA-nın CineSpace müsabiqəsinin qaliblərini nə gözləyir?
Belə ki, Nasa-nın CineSpace yarışında birinci yerin qalibini 10.000 dollar, ikinci yerin qalibini 5.000 dollar, üçüncü yerin qalibini isə 3.000 dollar mükafat gözləyir. Bundan başqa “Birlik” və “İnklüzivlik” anlayışlarını ən yaxşı şəkildə izah edən və gələcək nəsilləri elm, texnologiya, mühəndislik və riyaziyyatda ruhlandırmaq üçün ən maarifləndirici filmlərə isə 4.000 dollar mükafat təqdim ediləcək. Müsabiqədə iştirak etmək istəyənlər üçün son müraciət tarixi 15 iyuldur.
Keçən ilin qalibi: Waking Dream
Xatıqladaq ki, keçən il NASA-nın CineSpace yarışmasının qalibi Belçikalı komanda tərəfindən türkcə və ingiliscə hazırlanan Waking Dream adlı video idi.
