Ötən günlərdə yeni Pixel 8 seriyalı smartfonları təqdim edən Google bu seriyaya orta səviyyəli smartfon əlavə etmək niyyətində deyil. Belə ki, bu barədə şirkətin smartfonlar şöbəsinin direktor köməkçisi Nanda Ramanchandran açıqlama verib. Onun sözlərinə görə şirkət Pixel seriyasına büdcə dostu smartfon əlavə etmək niyyətində deyil. Yəni Pixel seriyası ancaq flaqman cihazları əhatə edəcək. Nanda bildirib ki, orta səviyyəli smartfon hazırlamaq flaqman model hazırlamaqdan daha çətindir. Bunun əsas səbəbi isə orta səviyyəli smartfonlarda tələb olunan güzəştlər və ya məhdudiyyətlərdir.
Ümumiyyətlə orta səviyyəli smartfonlar hazırlamaq üçün texnologiya nəhəngləri süni intellekt əsaslanan bir çox xüsusiyyətdən istifadə etməlidir. Yəni prosessor, kamera və digər parametrlərdə olan çatışmazlıqlar süni intellekt ilə bərpa olunmalıdır. Hələlik isə Google Pixel seriyasına daha çox məsuliyyət tələb edən orta səviyyəli smartfon əlavə etmək niyyətində deyil. Almaniyanın “Der Standard” nəşrinə müsahibəsində Ramachandran şirkətin sərfəli cihazlara diqqət yetirmək planının olmadığını vurğulayıb. Əsas səbəb olaraq da məhz edilməli olan güzəştlər göstərilib.
Bildiyimiz kimi, Pixel smartfonlarının əsas üstünlükləri yüksək keyfiyyətli kamera və flaqman çipsetlərdir. O cümlədən qabaqcıl süni intellekt texnologiyaları da bu cihazların əsas üstünlükləri arasındadır. Habelə Google bu cihazlar üçün 7 ilə qədər yenilənmə dəstəyi də göstərir. Lakin şirkət orta səviyyəli smartfon istehsal etmək istəsə bu üstünlüklərin hamısını məhdudlaşdırmalı olur. Məhz bu səbəbdən də Google hələlik bu yenilik üçün hazır deyil.
