İnternet nəhəngi Google şəxsi təhlükəsizlik istiqamətində yeni və əhəmiyyətli addım atıb. Beləliklə, Google “standart olaraq şifrəsiz” strategiyasına keçid etdiyini elan edib. Bu barədə Google öz rəsmi bloqunda paylaşım edib. Paylaşılan bəyanatda bildirilir ki, “Bu ilin əvvəlində biz hesablarınıza onlayn daxil olmaq üçün daha sadə və təhlükəsiz üsul olan keçid açarları üçün rəsmi dəstək təklif etməyə başladıq”.
Belə ki, şifrə yerinə istifadə edilə biləcək “keçid açarı” funksiyasının standart olması ilə hesablara hər yerdən giriş zamanı smartfonlardakı barmaq izi və ya üz tanıma kimi imkanların istifadəsi təklif olunacaq. Bu isə Google hesablarınızın daha təhlükəsiz olmasına şərait yaradır. Daha əvvəl bu funksiya standart kimi təyin edilməmişdi və istifadəçilər “elektron poçt” daxil etdikdən sonra “şifrə” yazırdılar ki, artıq şifrə ilə birgə biometriya (barmaq izi və.s), yəni smartfonunuzun özü köməyinizə çatacaq.
Ümumiyyətlə Google son dövrlərdə təhlükəsizlik tərəfinə çox önəm verir. Məhz Google şirkətinin “standart olaraq şifrəsiz” strategiyasına keçid etməsi də bunu bir daha sübut edir. Artıq hesablarınız sadəcə pin ilə qorunmayacaq. Bununla da, həm gmail, həm də digər Google proqramlarda olan məlumatlarınız haker hücumlarından rahatlıqla qorunacaq.
