Mobil çipset nəhəngi Qualcomm ötən axşan gələcək üçün əhəmiyyətli bir brendi olan Snapdragon X seriyasını elan etdi. Snapdragon X seriyası yeni nəsil kompüterlər üçün istifadə olunacaq. Qualcomm uzun müddətdir ki, yalnız smartfonlar və ya planşetlər üçün prosessorlar istehsal etmir. Lakin şirkətin əsas diqqət mərkəzində həmin cihazlar olduğundan, şirkət o təcrübəsini kompüterlər üçün təkmilləşdirə bilmir.
Hazırda kompüterlər üçün xüsusi prosessorları olan şirkət bu prosessorlarla sadəcə kağız üzərində iddialı olmağı bacarır, lakin bu iddia praktikada öz əksini tapmır. Şirkətin ARM əsaslı kompüter prosessorları Apple-ın ARM əsaslı prosessorları ilə rəqabət apara bilmir və Qualcomm prosessorlu noutbuk modelləri bazarda heç bir diqqəti cəlb etmir.
Ötən aylarda bu vəziyyətin böyük bir ehtimalla 2024-cü ildə tamamilə dəyişəcəyi deyildi. Daha sonra “Oryon” brendi təqdim olundu. Ötən gün “Oryon CPU” əsaslı prosessorların Snapdragon X Series brendi altında satışa çıxarılacağı açıqlanıb. Məlumata görə X əvəzinə fərqli nömrələrin istifadə ediləcəyi bu marka altında gələcək prosessorlar, ARM arxitekturasına əsaslanan yüksək məhsuldarlıqla çox yüksək nəticələr göstərəcək.
Bunun arxaaslnda isə Nuvia dayanır. Nuvia Qualcomm üçün çox vacib bir şirkətdir. Prosessor nəhəngi son illərdə Nuvia-nı təxminən 1,4 milyard dollara alıb. Bu şirkətin ən diqqət çəkən cəhətlərindən biri onun keçmiş Apple prosessor dizaynerləri tərəfindən təsis edilməsi idi. Xüsusi olaraq iPhone-lar üçün hazırlanmış A-Series prosessorları üzərində işləyən üç keçmiş Apple işçisi tərəfindən qurulan Nuvia, Qualcomm-un bazardakı gələcəyi üçün həqiqətən açar kimi görünür.
İlin əvvəlində Qualcomm-un 2024-cü ildə güclü 12 nüvəli ARM prosessorunu buraxacağı bildirilirdi. Bu prosessorla masa üstü kompüter modellərə fokuslanacaq şirkət, 8 yüksək performanslı və 4 səmərəli nüvə üzərində bu prosessoru təklif edəcək. Ən əsası isə daxili qrafik çipinin verəcəyi performansdır ki, nəticələri növbəti ilin əvvələrində görə biləcəyik.
Ən böyük problem isə təəssüf ki, Windows əməliyyat sistemi olaraq qalır. ARM əsaslı prosessorlar ilə Windows əməliyyat sisteminin verdiyi dəstək o qədər də mükəmməl olmadığından, Apple M seriyası qədər ideal bir prosessor hazırlansa belə istifadəçiləri cəlb etmək asan olmayacaq.
