MediaTek brendinin yeni təqdim edəcəyi flaqman Dimensityy 9300 flaqman çipseti barədə detallar ortaya çıxıb. Belə ki, Digital Chat Station mənbəsi yeni flaqman çipset barəəd bəzi detalları sızdırıb. Görünən odur ki, MediaTek Dimensity 9200 çipsetindəki səhvini yeni flaqman çipsetdə düzəltməyə çalışır. Xatırladaq ki, ötən aylarda təqdim edilmiş Dimensity 9200 çipseti rəqabətdə olduğu Snapdragon 8 Gen 2 çipsetindən daha az performans göstərərək, istifadəçiləri məyus etmişdi. Bu dəfə isə brend performans tərəfində ciddi irəliləyişlər edəcək. Hətta insayderlər yeni çipsetin Snapdragon 8 Gen 3 ilə eyni performansa sahib olacaq.
Digital Chat Station mənbəsinin ortaya çıxardığı məlumatlara əsasən yeni Dimensity 9300 çipseti 4+4 nüvəli konfiqurasiyada hazırlanacaq. Belə ki, yeni çipsetin 4 nüvəsi ARM Cortex-X4, digərləri isə Cortex-A720 nüvələridir. Ortaya çıxan məlumata əsasən deyə bilərik ki, MediaTek bu dəfə Cortex-A520 nüvəsindən istifadə etməyib. Ümumiyyətlə Cortex-X4 nüvəsi əsasən yüksək saat sürətinə görə seçilir. Hətta bəzi mənbələrə görə nüvənin minimum tezliyinin 3.0GHZ olacağı iddia edilir. Cortex-A720 nüvələrinin isə minimum tezliyi 2.0GHZ-dir. Lakin bu göstəricilər dəyişə bilər.
Qeyd edək ki, Dimensity 9300 çipseti ilkin GFXBench sınaqlarında 1440p təsvir ölçüsündə 90 FPS kadr sürəti əldə edib. Xatırladaq ki, bu göstərici Snapdragon 8 Gen 2 və Apple A16 Bionic çipsetlərində müvafiq olaraq 68FPS və 53FPS-dir. Bununla da yeni çipset bazarda mövcud olan ən güclü flaqman çipsetlərdən daha güclü olmağı hədəfləyir. Lakin MediaTek Snapdragon 8 Gen 3 çipsetinin performansını keçməyi hədəfləyir. Məhz bu səbəbdən də, sınaqlar və inkişaf mərhələsi davam edir.
