Apple ötən il təqdim etdiyi flaqman iPhone 15 seriyasının batareya ömrünü iki dəfə artıraraq yenilədi. Apple şirkət ötən gün bildirib ki, yeni iPhone modelləri artıq 1000 dövrədən sonra orijinal şarj qabiliyyətinin 80%-ni saxlaya bilir. Xatırladaq ki, ABŞ mərkəzli texnologiya nəhəngi yeni smartfon seriyasını təqdim edərkən batareya tərəfində istifadəçilərin üzünü heç də güldürməmişdi. Bunun əsas səbəbi isə yeni smartfon seriyasının demək olar ki, sələfi eyni batareya performansına sahib olması idi.
Apple iPhone 15 seriyasının batareya ömrünü yeniləyərək istifadəçilərin az da olsa üzünü güldürməyi bacarıb. Belə ki, çərşənbə axşamı şirkətdən verilən məlumata görə, yeni iPhone-lar 1000 dövrədən sonra orijinal doldurma qabiliyyətinin 80 faizini saxlaya bilər. Təsadüfi deyil ki, bu dəyişiklik telefonların batareya ömrünə “enerji reytinqi” təyin edəcək Avropa İttifaqı qaydalarına da uyğundur. Qeyd edək ki, əvvəllər iPhone batareyaları sadəcə 500 dövrədən sonra orijinal şarj tutumunun 80%-ni saxlaya bilirdi. İndi isə Apple sənədlərində dəyişiklik edilib və bu göstərici 2 dəfə artırılıb. Apple müəyyən şərtlər altında batareyaları 1000 dəfə doldurub boşaldığını və ümumi istifadə şərtlərini əks etdirən bir sınaqdan keçirdiyini bildirir.
Heç bir fiziki və ya proqram təminatı dəyişikliyi olmadan istifadə müddətinin ikiqat artırılmasına gəlsək, şirkət bu artımı batareya komponentlərində və iOS enerji idarəetməsində davamlı təkmilləşdirmələrlə əlaqələndirir. Qeyd edək ki, 2023-cü ildən əvvəl təqdim olunmuş yəni, iPhone 14 seriyası da daxil olmaqla digər modellər üçün hələ də 500 şarj dövrü keçərlidir.
