Son dövrlərdə oyun sənayesindəki durğunluq hərkəsə məlumdur. Belə ki, karantin dövründə pik səviyyəsinə çatan oyun sənayesində indi oyun tərtibatçıları və investorlar bir çox problemlərlə üzləşir. Bunun əsas səbəbi isə ilk növbədə investorların oyun sənayesinə olan marağının azalmasıdır. GameIndustry jurnalistləri investorlar ilə oyun sənayesindəki böhranın əsas səbəbini müəyyən etmək üçün görüşüb.
Jurnalistlərə müsahibə verən, investorlar ilk növbədə oyun tərtibatçılarının son dövrlərdə oyun hazırlaya bilməməsini səbəb olaraq bildirib. Habelə hazırda oyun sənayesində baş verən böhranın əsas səbəbini investorlar inamsızlıq ilə izah ediblər. Yəni, karantin dövründə olan böyük potensialın hazırda mövcud olmadığı bildirilir. Ümumiyyətlə investorlar artıq oyun bazarında gəlir əldə etməyin mümkünsüz olduğunu düşünürlər. Hazırda oyunları əsasən hakerlər tərəfindən müxtəlif internet səhifələrində pulsuz olaraq crack olunmuş versiyada təklif olunur. Son dövrlərdə oyunlara olan marağın azalması, oyunların əvvəlkindən daha baha qiymətə təklif olunması da oyun bazarındakı müştəriləri azaldır.
Yekun olaraq desək, investorlar oyun sənayesindəki sərmayələrini potensial olaraq gəlir gətirə biləcək oyun tapa bilmədikləri üçün azaldıblar. Ümumiyyətlə böhran dövründə insanlar son dərəcə seçici olurla və onların diqqətini cəlb etmək maraqlarını təmin etmək olduqca çətin olur. Bununla belə ekspertlər hesab edirlər ki, 2025-ci ilə qədər video oyun sənayesində vəziyyət yaxşılaşdırılmalıdır. Hətta bir müddət böyük büdcəli layihələr təqdim edilməsə belə oyun tərtibatçıları müştərilərini itirməməlidir.
