Samsung flaqman modelləri bildiyimiz kimi, bəzi regionları çıxmaq şərti ilə, Exynos prosessorları ilə satışa çıxarılır. Lakin vəziyyətin tezliklə dəyişəcəyi bildirilir. Cənubi Koreya şirkətinin gələcək flaqman Galaxy S seriyası modelləri Snapdragon çipsetləri ilə bütün dünyada satışa çıxarılacaq. Bunu Qualcomm şirkətinin baş icraçı direktoru açıqlayıb.
Samsung şirkətinin AMD şirkəti ilə əməkdaşlığı gözlənildiyi kimi nəticə verməyib. Bunu Qualcomm şirkətinin baş direktorunun Cənubi Koreya şirkəti ilə geniş sahəli və uzun müddətli müqaviləsi sübut edir. Buna baxmayaraq bəzi qaranlıq məqamlar yenə də qalır.
Samsung şirkətinin Snapdragon çipsetli flaqman modelləri bütün dünyada mövcud olacaq
Bu açıqlama 2022-ci maliyyə ilinin üçüncü rüb hesabatı çərçivəsi zamanı edilib. Qualcomm şirkətinin baş icraçı direktoru Kristiano Amon təsdiq edib ki, Samsung flaqmanlarının 75%-lik hisəsi Snapdragon çipsetini əldə edib. Normal olaraq Galaxy S22 xəttinin yerdə qalan 25%-lik hissəsi isə Exynos 2200 çipsetini almışdır. Qeyd edək ki, Cənubi Koreya şirkəti Exynos 2300 üzərində işlərini davam etdirir. Bu çipset ilə çalışan cihazların sayı isə 5-10% təşkil edəcək. Digər bir tərəfdən Samsung şirkətinin çipset inkişaf edən bölümü ilə smartfon istehsal edən bölümü ayrı olduğundan son qərarla birlikdə 5-10 faizlik hissə də tamamilə ləğv edilə bilər. Çünki, “Samsung Mobile” bölümü “Samsung Semiconductor” səbəbilə yenidən bazarda dəyər itirmək istəmir.
Əlavə olaraq qeyd olunub ki, Samsung Galaxy S23 seriyası və sonraki modellərdə bu rəqəmlər getdikcə artacaq. Yəni birbaşa açıqlama verilib ki, Samsung şirkətinin Snapdragon prosessorları ilə təmin olunmuş modelləri bütün dünyada satışa çıxarılacaq. Bundan əvvəl isə Snapdragon ilə işləyən Samsung flaqmanları yalnız bəzi region/ölkələrdə satılırdı.
Exynos çipseti ilə flaqmanlar istifadə də qalacaq?
Tam açıq şəkildə deyilməsədə görünür ki, Samsung şirkətinin bəzi flaqman modelləri yenə də Exynos prosessorları ilə çalışacaq. Bu rəqəm üstdə də dediyimiz kimi çox kiçik olacaq. Yəni bütün dünyada Snapdragon çipsetli Samsung modelləri satışa çıxarılacaqsa, deməli Exynos 2300 çipsetini yalnız Galaxy S23 və ya Galaxy S23 FE kimi aşağı səviyyəli modellərdə görəcəyik. Lakin Galaxy S23 Ultra kimi ən üst səviyyəli modellər yalnız və yalnız Snapdragon çipseti ilə təchiz edilməlidir.
Ümumiyyətlə Samsung Mobile tərəfində atılan bu addım, Samsung Semiconductor üçün xeyli çətinliklər yaradacaq. 2025-ci ildə, Smartfon bazarına ən yaxşı çipseti çıxarmaq və onu Galaxy S25 seriyasına quraşdırmaq üçün Samsung şirkətinin bu bölümünün ciddi işlər apardığı bildirilir. Lakin hər dəfə gördüyümüz nəticə ortadadır.
