Space Perspective, Yerdən 32 km hündürlükdə epik mənzərələr və dəbdəbəli turizm imkanı təqdim edəcək parlaq görünüşlü kapsul olan Spaceship Neptune dizaynını tamamlayıb. Əgər bu kapsulla kosmosa uçmaq istəyirsinizsə bir bilet üçün 125.000 dollar pul ödəməlisiniz. Qeyd etməliyik ki, bu qiymətə uçuş zamanı yalnız pulsuz içkilər daxildir.
NASA-nın Kennedi Kosmik Mərkəzinin yaxınlığında, Floridada yerləşən şirkət Neptun Kosmik Gəmisinin inşasını tamamlayıb. Şirkət altı saatlıq gediş-gəliş zamanı eyni anda səkkiz sərnişinə Yerin panoramik mənzərələrini görmək şansı təklif etməyi planlaşdırır.
Kapsulun dizaynı Siemens Digital Industries firması ilə birlikdə həyata keçirilən çox saylı təhlil prosesindən sonra ortaya çıxıb. Ona görə də rəqibləri Blue Origin və Virgin Galactic ilə müqayisədə ciddi texnoloji fərqləri mövcuddur. Space Perspective tərəfindən verilən məlumata görə onların hazırladığı kapsul kosmik turizm sahəsində ən mükəmməl xüsusiyyətləri özündə birləşdirib.
Space Perspective şirkətinin baş direktoru və texniki direktoru Taber MacCallum bildirib:
Şarın və paraşütün əsrlər boyu inkişafı göstərir ki ənənəvi paraşütlərlə uçmaq ən sadə, ən təhlükəsiz və ən möhkəm həll yoludur. Bizim dizaynerlərimiz indi həm interyerinə görə erqonomik olan, eyni zamanda eksteryerinə görə də gözəl görünən məhsulumuz var. Mühəndislik komandası performans və təhlükəsizlik baxımından misilsiz nəticə əldə etməyi bacarıb.
Şəkillərdə panoramik pəncərələri və bar sahəsini göstərən interyerin konseptual görünüşü var. Space Perspective artıq 900 bilet satıb. Kommersiya uçuşlarının 2024-cü ilin sonunda olmasını hədəfləyib və 2025-ci il üçün də rezervasiyalar aparır. Aşağıdakı şəkildə sərnişinlər və ümumilikdə interyerin görünüşünü göstərən konseptual görünüşlər yerləşdirilib.
Özünü dünyanın ilk “lüks kosmos uçuşu təcrübəsi şirkəti” kimi təqdim edən şirkət 900 bilet satmış olsa da siz depozitinizi yatırdıqdan sonra bir qədər səbr etməlisiniz, çünki kommersiya uçuşları 2024-cü ilin sonundan başlayacaq. Bu səyahətə bu qədər pul verməyə dəyərmi? Düşüncələrinizi bizimlə paylaşmaqı unutmayın.
