Video oyunlar üçün nəzərdə tutulmuş oyun motorları, xüsusilə Epic Games istehsalı olan Unreal Engine artıq film rejissorlarının da köməyinə çatır. Rejissorların istədiyi, film çəkən zaman yarana biləcək potensial çətinlikləri əvvəldən bilməkdir. Çünki bu halda həll yolları tapmaq asanlaşır. Oyun motorlarıda rejissorlara bu çətinlikləri həll etməkdə kömək edir. Unreal Engine və Unity kimi oyun motorları artıq film sektorunda istifadə edilir.
İstifadə etdiyi çəkiliş texnologiyası ilə diqqətləri üzərinə çəkən The Mandalorian serialı, Epic Games və ən böyük vizual effekt şirkətlərindən biri olan ILM ilə ortaqlıq edərək yeni VİRTUAL SET texnologiyasından istifadə etdi.
Bu texnologiyanın qurucuları Virtual Seti bu şəkildə ifadə edir: “Nəhəng LED ekranlarla əhatə olunmuş dairəvi otaq təsvir edin. Bu LED ekranlarla əhatələnmiş otaq Virtual Set-dir”. Serialın yaradıcısı Jon Favreau serialda istifadə olunan Unreal Engine və Virtual Set texnologiya haqqında bunları deyir: “Serialı necə çəkə biləcəyimizi düşünəndə sadəcə yaşıl ekran ilə süni məkan yaratmaq istəmədik. Niyə bütün seti oyun motorunda modelləşdirməyək deyə düşündük və Virtual Set-i kəşf etdik.”
Unreal Engine digər rejissorları da cəlb edib
Adından bəlli olduğu kimi Virtual Set içində bir çox texnologiyaları birləşdirir. Epic Games-in oyun motoru olan Unreal Engine, ILM-nin vizual effekt texnologiyası və Video Wall adı verilən LED ekranlardan ibarət Visual Set yeni bir texnikadır. İndi isə bunun necə işlədiyindən izah edək. Əvvəlcə səhnənin lazımı modelləşdirilməsi Unreal Engine motoru ilə aparılır, daha sonra vizual effektlər tənzimlənir və bütün bunlar dinamik şəkildə tam idarə oluna bilən LED ekranlarda əks olunur. Çəkilişlər başlayanda həm aktyor rolunu oynayır, həm də ekranlarda modelləşdirilən səhnə canlandırılır. İlk dəfə The Mandalorian kimi önəmli Star Wars serialında istifadə olunan bu texnika və Unreal Engine motoru ilə artıq digər şirkətlərdə maraqlanır. Jon Favreau bu teknikanı bəyəndiklərini və ikinci sezonda da bol istifadə edəcəklərini bildirib. Qeyd edək ki, Epic Games şirkəti öz oyun motorunu pulsuz şəkildə istifadəçilərə təqdim edir.
Film izləməyi sevirsinizsə “2022-ci ildə yayımlanması gözlədiyimiz 5 möhtəşəm film” haqqında hazırladığımız məqaləni oxumağınızı tövsiyyə edirik.
