Bu gün heç bir kompüter sistemi və ya kompüterə çevrilmiş hər hansı müasir avtomobil modeli kiberhücumlara qarşı 100% təhlükəsiz deyil. Bu heç vaxt mümkün olmayacaq. Bununla belə, bəzi mühüm boşluqlar bağlana bilər və bunun üçün “etik” xakerlər və ya təhlükəsizlik tədqiqatçıları böyük rol oynayırlar.
Xəbər verildiyi kimi, Tesla avtomobillərinin sındırılması bir neçə ildir ki, xaker konfranslarında ciddi maraq təşkil edir. Uzun müddətdir bu məsələyə böyük əhəmiyyət verən və buna sərmayə qoyan Tesla, Pwn2Own adlı hack konfransına qatılan şirkətlərdən biri idi. Tesla şirkətinin elektromobil kompüteri tədbir çərçivəsində müvəffəqiyyətlə sındırıldı. Tesla, Model 3 elektromobilinin həqiqətən də kiberhücuma təsdiqlədi. Açıqlamaya görə, konfransda iştirak edən Synacktiv komandası, Model 3 daxili əməliyyat sisteminə birbaşa kök “root” giriş əldə edib və TOCTTOU (Time Of Check To Time Of Use) əsasında bütün avtomobili idarə etməyi bacardı. Təbii ki, bu uğur mükafatsız olmadı, Synacktiv komandası 100 min $ mükafat və həmçinin Tesla Model 3 qazandı.
İndiyə qədər Model seriyalı avtomobillərin keyfiyyəti və nəzarəti ilə bağlı çox maraqlı problemlər gündəmə gəlib. Ötən ay səs-küy yaradan problemlərdən biri olduqca maraqlı və eyni zamanda qorxulu idi. Çünki ABŞ-da Tesla Model Y modelinin sükanı hərəkət zamanı sürücüsünün əlində qalmışdı. Xoşbəxtlikdən bu vəziyyətdən sonra nə qəza, nə də can itkisi baş verməyib. Bundan əlavə başqa bir problem isə bu yaxınlarda baş vermişdi. Model 3də olan bir zəiflikdən ötrü bir adam başqasının Tesla Model 3 elektromobilini oğurlamışdı.
