Yeni aldığı Tesla Model Y modelindən həzz almaq istəyən sürücü olduqca qəribə bir problemlə üzləşib. Twitter istifadəçisi Prerak (@preneh24) avtomobili aldıqdan 6 gün sonra ailəsi ilə magistral yolda hərəkətdə olarkən elektromobilin sükanı sürücünün əlində qalıb.
Sürücü deyir ki, arxada başqa avtomobilin olmaması böyük bir şans olub. Ona görə də sürücü elektromobili təhlükəsiz dayandıra bilib. Amerikan şirkəti Tesla istehsal keyfiyyətinə görə o qədər də yaxşı rəylərə malik deyil. Bir çox elektromobil sahibləri kuzov panelləri arasında böyük boşluqlardan, boya qüsurlarından və salondakı səslərdən şikayətlənirlər.
Tesla son bir neçə ildə bu mövzuda irəliləyiş əldə etsə də, xüsusən bu hadisənin ilk dəfə baş vermədiyini nəzərə alsaq, qorxulu mənzərə yaradır. Çünki hərəkətdə olarkən həm elektromobilin sərnişinləri, həm də yolda olan digər nəqliyyat vasitələrini sükanın çıxması son dərəcə təhlükəyə atır.
Bənzər bir hadisə 2020-ci ildə Model 3 sahibinin də başına gəlmişdi. Xoşbəxtlikdən, bu vəziyyətdə o qədər təhlükəli bir şey yox idi. Sürücü evinin qarajınada elektromobili geriyə doğru hərəkət etdirərkən sükan yerindən çıxmışdı. Tesla sükanı təmir etdi və Tesla Model Y elektrmobilini sürücüyə təhvil verdi. Şirkət izah edib ki, sükanı yerinə bərkidən boltlardan birinin əksik olması səbəbi ilə anoloji problem baş verə bilir. Problemin tam olaraq nədən qaynaqlandığı isə açıqlanmır. Tesla ilk öncə sürücüdən 103,96 dollarlıq təmir hesabı tələb etsədə, sonradan ödənişdən imtina edilib. Sürücü Prerak deyir ki, artıq o Tesla brendinə inamını itirib və elektromobili geri qaytarmaq istəyir.
