Hyundai, dünyada ilk adlandırdığı ağıllı salon idarəçisi (nəzarətçisi) texnologiyasını anons edib. Salonu bir sıra sensorlarla təchiz edən mühəndislər sürücünün daim avtomobil tərəfindən analiz edilməsini təmin ediblər. Çoxsaylı xüsusiyyətlərə malik olan sistem sürücülük təcrübəsində inqilabi təkmilləşdirmələr vəd edir.
Cənubi Koreyanın avtomobil istehsalçısı Hyundai-nin avtomobil avadanlıqları istehsal edən Hyundai Mobis bölməsi, sektorda ilk olan bir inkişafa imza atıb. İnkişaf etdirdiyi yeni idarəetmə sistemi ilə şirkət sürücünün qeyri-adi hərəkətlərini yerində təsbit edə biləcək. Xüsusi sensorlara sahib olan sistemlə sürücünün sərxoş və ya yorğun olması kimi məlumatlar süni intellekt sayəsində anlaşılacaq. Hyundai bildirir ki, bu texnologiya dünyada bir ilkdir.
Hyundai tərəfindən hazırlanmış sistem avtomobilin sükanına EKQ ölçmə sensoru əlavə edir. Bu sensor sürücünün ürək döyüntüsünü dərhal ölçür. 3D kamera isə sürücünün maşın sürərkən davranışını, diqqətinin nə vəziyyətdə olduğunu izləyir. Xüsusi sensor ilə sürücünün beyin dalğalarını ölçəcək Hyundai bütün bu məlumatları birləşdirib təhlil etdikdən sonra sürücü təhlükəsizliyini ən üst səviyyəyə çıxaracaq. Hyundai-nin sistemi o qədər təkmilidir ki, avtomobilin salonundakı karbon qazı da daim yoxlanılacaq.
Hyundai mühəndisləri tərəfindən hazırlanan sistemin ən mühüm cəhəti odur ki, sürücünün bütün məlumatlarını izlədikdən sonra problem yarandıqda dərhal müdaxilə edə bilir. İş o yerə çatıb ki, bu sistemdən istifadə edən avtomobildə infarkt baş verərsə, dərhal səhiyyə xidmətlərinə məlumat verəcək. Deyək ki, siz sərxoş halda avtomobilinizə minmisiniz. Hyundai tərəfindən hazırlanmış sistem nəzarəti sizdən alıb süni intellektə buraxacaq. Sistem lazım bildiyi təqdirdə avtomobillər öz-özünə dayanacaq. Ətrafdakı karbon qazının səviyyəsi çox qalxarsa, pəncərələrin öz-özünə açıldığının şahidi olacaqsınız.
Hyundai deyir ki, inkişaf etdirdiyi sistemlə sürücülər əvvəlkindən daha təhlükəsiz olacaqlar. Hyundai Mobis kabin nəzarətçisinin nə vaxt istifadəyə veriləcəyini, bu sistemin ilk dəfə hansı modeldə görünəcəyini açıqlamayıb. Nə qədər mürəkkəb texnologiyadan bəhs etdiyimizi nəzərə alsaq, yeni sistemin milyonlarla avtomobil üçün tətbiq edilməsinin uzun zaman alacağını proqnozlaşdırmaq olar.
Hyundai Mobis-in R&D bölməsinin rəhbəri Cheon Jae-seung: “Yaratdığımız unikal həyati əlamətlər bazasına əsaslanaraq, avtomobil qəzalarının qarşısının alınması, stressin idarə edilməsi və sərxoş vəziyyətdə avtomobil idarə etmənin qarşısının alınması daxil olmaqla, daha çox funksiya təmin etmək üçün bu texnologiyanı daha da təkmilləşdirəcəyik.” ifadələrindən istifadə etdi. Bəs siz bu texnlogiya haqqında nələr fikirləşiriniz? Fikirlərinizi bizimlə paylaşmaqı unutmayın.
