Uzun müddətdir ki, Apple avtomobil üzərində işlədiyi deyilir. Avtomobil haqqında dəqiq məlumat olmasa da barəsində çoxlu söz-söhbət var. Apple şirkəti hələ də avtomobillə bağlı qəti açıqlama verməyib. Lakin Apple bu sirli avtomobil üçün bir çox patent alıb. Gəlin bu patentlərə göz gəzdirək.
iPhone əsaslı hərəkətə nəzarət sistemi
Apple-ın “Guidance Of Autonomous Vehicles In Destination Vicinities Using Intent Signals” adlı patenti. Apple–ın avtonom avtomobilini necə idarə etməyi izah edir. Patent ərizəsi, mobil cihaz vasitəsilə yollarda avtonom avtomobili idarə edən istifadəçiyə görə hazırlanıb.
Apple öz avtomobilinin tam avtonom olmasını istəyir. Bu səbəbdən avtomobilə heç bir sükan və əyləc pedalının daxil edilməməsi hədəflənir. İstifadəçilərin sadəcə müxtəlif əmrlərlə avtomobilin istiqamətini və son təyinat yerini idarə etməsi planlaşdırılır. Bundan əlavə mobil cihazda verilən rəqəmsal idarə etmə düymələri ilə bəzi ərazilərdə nəqliyyat vasitəsini idarə etmək məqsədəuyğundur. Bu patent Apple–ın tam avtonom avtomobillərin üzləşə biləcəyi çətinlikləri necə həll etdiyini ortaya qoyur. Görünür Apple ilk avtomobilində insan faktorundan istifadəni minimuma endirəcək.
Avtomatik doldurma stansiyası
Apple şirkəti bu yaxınlarda keçmiş 31 ildir Ford şirkətinin avtomobil təhlükəsizliyi direktoru Desi Ujkashevic-i işə götürməklə avtomobillərə ciddi yanaşdığını bir daha nümayiş etdirdi. İndiki dövrdə Apple-ın avtomobili də elektrik mühərrikləri ilə işləyəcək. Elektrikli avtomobillərin ən böyük problemi olan enerji doldurma prosesini də nəzərə alan Apple, bu mövzuda daha bir patent aldı.
Apple, elektrikli avtomobili doldurarkən sürücünün müdaxiləsinə ehtiyacı aradan qaldırmağı hədəfləyən “filling station with passive alignment mechanism” adlı patentə malikdir. Patentə əsasən, avtomobil sürücünün müdaxiləsi olmadan doldurma məntəqəsinə daxil olacaq və şarj etməyə başlayacaq. Bu patent həm də Apple-ın tam avtonom avtomobil hədəfi ilə üst-üstə düşür.
İnformativ işıqlandırma qrupu
Apple həmçinin digər sürücülərlə məlumat paylaşan qabaqcıl işıqlandırma sistemi üçün patent alıb. Ənənəvi əyləc işığına əlavə olaraq, bu sistem avtomobilin arxa pəncərəsində avtomobil və yol vəziyyəti haqqında müxtəlif məlumatları əks etdirəcək.
Arxa pəncərə lazım olduqda digər sürücülərə xəbərdarlıq etmək üçün bir növ lövhə rolunu oynayacaq. Bu patent həm də Apple imzalı avtomobilin tam avtonom işləyəcəyini göstərir. Çünki interaktiv arxa şüşə işə salındıqda sürücünün baxışını böyük ölçüdə bloklayacaq.
Artırılmış reallıq görünüşü
Artırılmış reallıq dünyamıza hər gün daha da çox daxil olur. Bu vəziyyətə biganə qalmayan Apple şirkəti də avtomobillərində artırılmış reallıq texnologiyasından istifadə etməyi düşünür. Şirkət aldığı patentlə müxtəlif mənbələrdən alacağı məlumatlarla birlikdə avtomobilin getdiyi yolun rəqəmsal görünüşünü ortaya qoyacaq.
Avtonom nəqliyyat vasitələrinin təhlükəsizliyi baxımından böyük əhəmiyyət kəsb edən bu sistem sayəsində yollarda yarana biləcək təhlükələrin qarşısı alına bilər. Artırılmış reallığın verdiyi məlumatlar sayəsində yol şəraiti çox erkən müəyyən edilə və buna uyğun tədbirlər görülə bilər. Bu patent həm də nəqliyyat vasitələri arasında məlumat mübadiləsi haqqında ipucları verir.
Gizli istifadəçi interfeysləri
“Hidden user interfaces” kimi təsvir edilən digər maraqlı Apple Car patenti bütün gələcək avtomobillər üçün əsas təşkil edə biləcək bir sistemə işıq salır. Patent istifadə olunmayan sensor ekranların gizlədilməsinə əsaslanır.
İstifadə edilmədiyi zaman gizlədilən panel əl yaxınlaşdıqda işıqlanır və istifadəçinin işlətməsinə imkan verir. Bu yeni patentlə Apple sensor ekranları yalnız avtomobilin ön və mərkəzi konsolu ilə məhdudlaşdırmaya bilər. Çox gözlənilməz yerlərdə bu sistemi Apple-ın avtomobilində görmək mümkündür. Bütün bu patentlər Apple-ın çoxdan gözlənilən avtomobili haqqında bəzi fikirlər verir. Avtomobil haqqında hələ də dəqiq məlumat olmasa da, patentlərdən də göründüyü kimi, biz tam avtonom avtomobillə qarşılaşacağıq. Bəs Siz bu haqqda nələr fikirləşiriniz? Fikirlərinizi bizimlə bölüşməyi unutmayın?
