Smartfonlarda son illərin ən mühim innovativ yeniliklərindən biri özünü şarj texnologiyaları cəhətdən göstərmişdir desək, yəqin yanılmarıq. Şirkətlərin bir-biri ilə yüksək sürətli şarj texnologiyaları cəhətdən rəqabətə girməsi biz istifadəçilərin işinə çox yaxşı yaramışdır. Bir neçə il əvvəl 30Vt dəyərləri bizə çox yüksək bir rəqəm kimi gəlirdi. Lakin ötən illər ərzində bu xüsusiyyət giriş seqmenti smartfonlarda belə məcburi formada istehsalçılardan istədiyimiz bir məcburiyyətə çevrildi. Bu gün isə orta seqmentdə 120Vt kimi yüksək dəyərlərin istifadə edildiyi görürük. Çinli şirkətlərdən biri isə bu səviyyəni biraz da yüksəldərək 240Vt yüksək sürətli şarj texnologiyasını tətbiq etməyə hazırlaşır. Böyük bir ehtimalla söhbət OPPO şirkətindən gedir.
OPPO 240Vt yüksək sürətli şarj ilə 9 dəqiqəyə 100% doldurmaq mümkün olacaq!
Müxtəlif mənbələrin verdiyi məlumata görə Çin şirkətlərindən biri 240Vt texnologiyasını dəstəkləyən yeni bir smartfonun hazırlıq mərhələsinə artıq başlayıb. Tam olaraq hansı şirkət olduğu deyilməsə də, bu şirkətin OPPO olduğunu anlamaq elə də çətin deyil. Bu ilin əvvəli keçirilmiş MWC 2022 sərgisində OPPO şirkətinin 240W və 150W sürətli şarj texnologiyalarını nümayiş etdirdiyini yəqin ki, xatırlayırsınız.
Oppo 240W SuperVOOC Flash Charge texnologiyasının gücünü bizə göstərən şirkət, 4500mAs batareyanın 0 faizdən 100 faizə qədər doldurulmasına 9 dəqiqə vaxt getdiyini iddia etmişdi. Hətta iddia etməklə qalmayıb həmin prototip smartfondan olan videonu bizlərlə bölüşmüşdü. Batareyanı sadəcə 50% doldurmaq isə 3,5 dəqiqə çəkirdi.
2021-ci ilin dekabr ayında qədər 220 milyondan çox istifadəçi səmərəli, təhlükəsiz və sürətli doldurmanın təminatını verən Oppo SuperVOOC texnologiyasında istifadə edib. Bundan sonra da sınaqlarına başlanılan 240Vt yüksək sürətli şarj ilə bu say daha da yüksələcək.
Digital Chat Station ləqəbi ilə tanınmış məşhur Çinli insayder isə OPPO şirkəti ilə uzqdan əlaqəli iQOO brendinin yaxınlaşan smartfonu barədə məlumat verib. Təbii ki, mövzumuzla bunun əlaqəsi yenə şarj texnologiyası cəhətdən bağlıdır. iQOO 10 Pro adlandırılacaq modeldə 12 dəqiqəyə batareyanı 0 faizdən 100 faiz edə biləcək şarj texnologiyası quraşdırılacaq. Bu smartfon 200Vt gücündə olan şarj texnologiyasına malik olacaq. OPPO şirkətinə məxsus 240Vt ilə müqayisədə biraz zəif kimi görünsə də hələ ki, liderliyi ələ alacaq qədər güclü olduğunu qeyd etməliyik.
