McDonalds şirkəti Rusiya ərazisində olan biznesini satmağa hazırlaşdığını açıqlayıb. Rusiya ərazisində olan fast food nəhənginin biznesinə 62 min nəfər işçi heyəti və 850 Restoran daxildir. Rusiyadan bazarından çıxma səbəbini müharibənin yaratdığı humanitar böhranı göstərir və hesab edir ki, biznesin təcavüzkar ölkədə saxlanması “artıq məqsədəuyğun deyil və McDonalds-ın dəyərlərinə uyğun gəlmir”.
Martın əvvəlində fast fud nəhəngi Rusiya ərazisində olan restoran şəbəkələrinin işini müvəqqəti dayandırmışdır, lakin işçilərə maaşlarını verməyə davam edirdi. Bazar ertəsi şirkət yeni alıcısından işçiləri saxlamağa və müqavilə bağlanana qədər maaşları ödənməsini tələb edib. Yeni alıcının kimliyi haqqında hələ ki heç bir məlumat yoxdur.
Baş direktor Kris Kempçinski qeyd edib ki, işçilər və rus tədarükçülər ilə ayrılmaq bu qərarı vermək çətinləşdirib.
“Biz qlobal birliyimiz qarşısında məsuliyyət daşıyırıq və dəyərlərimizdə sadiq qalmalıyıq. Bizim dəyərlərimizə sadiq qalmaq isə o deməkdir ki, biz öz biznesimizi Rusiya ərazisində davam etdirə bilməyəcəyik”. – Kris Kempçinski
McDonalds Rusiya bazarında fərqli ad altında fəaliyyət göstərə bilər.
Bununla belə, şirkət Rusiyadakı ticarət nişanlarını saxlayacaq, lakin şirkətin adı olan məşhur McDonalds yazısını və digər simvolları restoranlardan ləqv ediləcək. Bəzi mənbələr iddia edir ki restoran şəbəkəsinin sadəcə adında dəyişiklik edərək öz fəaliyyətinə Rusiya ərazisində davam edəcək. Həmçinin təxmin edilir ki, restoran ənənəvi menyusunu saxlayacaq. Sadəcə olaraq Burgerlərin adlarında dəyişikliklər ola bilər. Amma qeyd edildiyi kimi McDonalds-ın adından, loqosundan və brendiqindən istifadə etmək mümkün olmayacaq.
McDonalds korporasiyasının rusiya bazarından çıxma qərarının səbəbi və iqtisadi baxımından vurulan zərərin həcmi.
McDonalds bazardan çıxmaq qərarı ABŞ-ın Coca-Cola, Pepsi və Starbucks kimi qida və içki nəhəngləri Rusiyadakı biznesini bağladığı bir vaxta təsadüf edir.
Sürətli qida nəhənginin Rusiyadan çıxmasından sonra mənfəətinin 1,2-1,4 milyard dollar azalacağını gözlədiyini bildirib.Ukraynada da həmçinin bu şəbəkənin restoranlar bağlanıb, lakin şirkət işçilərinə tam maaş verməyə davam etdiyini bildirib. McDonalds-ın keçən ay verdiyi hesabata əsasən, bir il əvvəlin birinci rübü ilə müqayisədə (1.5 milyard rubl) bu ilin birinci rübündə 1,1 milyard dollar qazanıb. Gəlir demək olar ki, 5,7 milyard dollar təşkil edib
