Bildiyimiz kimi, Apple şirkəti LED ekranlar ilə bağlı Samsung və LG brendləri ilə əməkdaşlıq edir. Belə kİ, Apple bu əməkdaşlığı daha da möhkəmləndirmək istəyir. Çünki, Apple şirkəti istifadəçilərə daha yaxşı ekran keyfiyyəti təqdim etmək üçün MicroLED ekranlara keçid etmək istəyir. Qeyd edək ki, bu ekranlara keçidin əsas məqsədi məhz yeni dizayn ilə bağlı ola bilər. Texnologiya nəhəngi olan Apple 2024 və ya 2025-ci illərdə Apple Watch modellərindən başlayaraq OLED ekranlardan MicroLED ekranlara keçirəcəyini qeyd edib. Həmçinin şirkət müvafiq olaraq iPhone, iPad, həmçinin MacBook modellərində də dəyişiklik ediləcəyini vurğulayıb.
Apple şirkətini OLED ekrandan MicroLED ekrana keçməyə vadar edən nədir?
Qeyd etdik ki, texnologiya nəhəngi dizayn tərəfində dəyişiklik etmək istədiyi üçün MicroLED ekranlara keçid etməyi planlayır. Lakin bundan əlavə olaraq qeyd etmək lazımdır ki, burada performans və keyfiyyət fərqi də mövcuddur. Ümumiyyətlə bilməliyik ki, OLED ekranlar incə və çevik ekranlar hesab olunur. Lakin MicroLED ekranlar isə kiçik LED-lərdən isitifadə edərək OLED ekranlardan daha parlaq və daha davamlı ola bilirlər. Nəticədə isə MicroLED ekranlar daha keyfiyyətli ekran görüntüsünə malikdir. Qeyd etmək lazımdır ki, MİcroLED ekranların istehsalı OLED ekranlara nəzərə daha bahadır. Məhz bu səbəbdən biz deyə bilərik ki, Samsung və LG şirkətləri satılan hər Apple cihazına görə daha çox vəsait əldə edə biləcək.
MicroLED ekranların istehsalının baha olduğunu qeyd etdik. Lakin onu da qeyd etmək lazımdır ki, bu ekranların istehsalı olduqca çətindir. Məhz bu səbəbdən də Apple şirkəti yeni ekran texnologiyasına keçid etməyə tələsmir. İllər ərzində bu dəyişiklik tədricən davam edəcək. Qeyd edək ki, Apple 2015-ci ildən bəri OLED ekranlardan istifadə etməyə başlasa da, hələ də MacBook modelləri bu ekrana keçid edə bilməyib.
