Uzun müddətdir gözlənilən Samsung Galaxy Z Flip 5 modelinin render görüntüsü ortaya çıxıb. Belə ki, məşhur insayder Ice Universe Twıtter sosial şəbəkəsində Yeni modelin render görüntülərini paylaşıb. Qeyd edək ki, Samsung Galaxy Z Flip 5 və Z Fold 5 modellərininin birlikdə bu ilin iyul aylarında təqdim edilməsi gözlənilir. Maraqlısı odur ki, Samsung Galaxy Z Flip 5 modeli qovluq formasında ekrana malik ola bilər. Daha əvvəl Z Flip 5 modelinin 3.4 düymlük qapaq ekran paneli ilə təchiz ediləcəyi iddia edilmişdi. Xatırladaq ki, Z Flip 4 modelində bu ekran 1.9 düym təşkil edirdi.
Samsung Galaxy Z Flip 5 modeli hansı xüsusiyyətlərə sahib ola bilər?
Ice Universe insayderi tərəfindən paylaşılan Samsung Galaxy Z Flip 5 modelinin render görüntüsünə əsasən qeyd etdik ki, qapaq paneli qovluq formasında olacaq. Bunun əsas səbəbi isə ekran panelinin arxa kameraları əhatə etməsidir. Onu da qeyd edək ki, Galaxy Z Fold 5 smartfonunun tam açıldıqda 154.9 x 129.9 x 6.1 mm ölçüsündə olacağı iddia olunur. Qatlandıqda isə smartfon 154.9 x 67.1 x 13.4 mm ölçüsündə olacaq. Yeni smartfonun həmçinin 254 qram ağırlığında olacağı bildirilir. Bu isə Galaxy Z Flip 5 modelindən 4 qram daha yüngüldür. Ümumiyyətlə hər iki smartfonun ən mühüm yeniliyi qatlama mexanizmində olacaq. Belə ki, ekranların daha mükəmməl formada qatlanıb açılacağı iddialar arasındadır. Həmçinin Smartfonların 256 GB, 512 GB və 1 TB yaddaş ilə təklif olunacağı da gözlənilir.
Qeyd etdik ki, Samsung yeni smartfonları bu ilin iyul aylarında təqdim etməyə hazırlaşır. Təqdimatda Galaxy Z Flip 5 və Z Fold 5 modellərində əlavə olaraq Tab S9 və Watch 6 modelləri də təqdim edilə bilər. Hətta təqdimatın iyulun 25, 26 və ya 27-də baş tutacağı gözlənilir.
