Apple şirkəti istifadəçiləri üçün yeniliklər etməyə davam edir. Belə ki, Apple süni intellektə əsaslanan Quartz sağlamlıq proqramı üzərində çalışır. Bu barədə Bloomberg mediasında Mark Gurman xəbər verib. Qeyd edək ki, Apple süni intellektə əsaslanan proqramı istifadəçilərə ödənişli şəkildə təqdim etməyə hazırlaşır. Bu proqram istifadəçilərin sağlamlamlığına, habelə həyat tərzinə və qidalanma formasına nəzarət etməyi nəzərdə tutur. Lakin vacib nüans odur ki, bütün bunlar süni intellekt əsasında həyata keçiriləcək. Beləliklə deyə bilərik ki, süni intellekt istifadəçilərin sağlam həyat tərzi sürməsinə nəzarət edəcək.
Ümumiyyətlə bilirik ki, hal-hazırda bütün iPhone və iPad cihazlarında Apple Health tətbiqindən istifadə olunur. Belə ki, bu tətbiq istifadəçiləri gündəlik aktivliyinə nəzarət edir. Lakin burada sağlam qidalanma, sağlam həyat tərzi sürmək üçün heçbir tövsiyə və ya funksiya nəzərdə tutulmayıb. Apple şirkətinin üzərində çalışdığı süni intellekt əsaslı Quartz proqramı isə istifadəçilərin yuxu, qida, həyat tərzi bir sözlə sağlamlığına nəzarət edərək, onlara tövsiyələr verəcək. Bu tövsiyələr birbaşa olaraq süni intellekt tərəfindən müəyyənləşdiriləcək. Əlavə olaraq qeyd edək ki, Apple şirkətinin yeni Quartz proqramı tövsiyələr və tapşırıqlar vermək üçün süni intellektdən əlavə olaraq Apple Watchlardan istifadə edəcək.
Mark Gurman qeyd edir ki, Apple şirkəti Quartz proqramını gələn il istifadəyə verəcək. Lakin proqram bu ilin iyun ayında Ümumdünya Yaradıcılar konfransında iOS 17 ilə birgə təqdim ediləcək. Belə ki, proqramın iOS 17 ilə birgə istifadəyə veriləcəyi gözlənilir. Qeyd olunur ki, yeni proqram həmçinin istifadaçilərin emosiyalarına da nəzarət edə biləcək.
