Meta, Snapchat və TikTok risk altındakı istifadəçilərə təsirini azaltmaq məqsədi ilə intihar və özünə zərər vermə ilə bağlı məzmunu silmək və bloklamaq üçün Thrive adlı yeni təşəbbüs irəli sürür.
Bu barədə “Sosial MediaToday” belə yazır: Təşəbbüsü Psixi Sağlamlıq Koalisiyası idarə edəcək və üç platforma təhlükəli məzmunla bağlı məlumatları paylaşacaq və bu cür məzmunla mübarizə aparmaq üçün platformalar arasında daha geniş fəaliyyətə imkan verəcək. Beləliklə, Thrive vasitəsilə ştirakçı şirkətlər qaydaları pozan yəni, intihar və ya özünə zərər verən məzmun haqqında xəbərdarlıqları paylaşa biləcəklər, beləliklə, digər şirkətlər bu cür məzmun onların platformalarında paylaşıldığı zaman araşdırma apara və tədbir görə bilsinlər.
Hər üç proqram istifadəçilərə psixi sağlamlıq problemləri ilə bağlı fikirlərini müzakirə etmək və bölüşmək imkanı verir. Bununla belə, Thrive-in diqqət mərkəzində intihara və ya özünə zərər verməyə təşviq edə biləcək qrafik şəkillərin və ya materialın paylaşılması ilə bağlı aydın qaydalar var. Hər üç şirkət bu tərz məzmunlarla bağlı məlumatları paylaşmaqla, qaydaların daha geniş və daha sürətli icrasını təmin edəcək. Müəyyən edilmiş “hashtaglar” şəklində olan bu məlumatlar bütün tətbiqlərdə bu cür məzmunu aşkar etməyə və lazımi tədbirləri görməyə kömək edəcək. Meta, şirkətlər tərəfindən paylaşılan məlumatların yalnız məzmunla bağlı olacağını və istifadəçilər haqqında şəxsi məlumatları ehtiva etməyəcəyini bildirir. Beləliklə, bu cür materialları daha tez silmək və hər bir platformada müvafiq məlumat bazaları və uyğunluq proqramları hazırlamaq mümkün olacaq. Yekun olaraq Meta, Snapchat və TikTok yeni Thrive adlı təşəbbüs sayəsində daha təhlükəsiz olacaq.
