Davos Forumu ərəfəsində Dünya İqtisadi Forumunun (DİF) Dördüncü Sənaye İnqilabı Mərkəzlərinin (19 mərkəz) ilk təsir hesabatı sənədi dərc olunub.
DİF-in beş qitədə mövcud olan 19 mərkəzindən biri Azərbaycan Respublikası İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzidir (4SİM).
Sənəddə İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin, Elm və Təhsli Nazirliyinin tabeliyində Təhsilin İnkişafı Fondu və ABŞ-nin Coursera şirkəti ilə “4Sİ Akademiyası” çərçivəsində 10000 nəfər vətəndaş üçün rəqəmsal biliklərin inkişafı layihəsi də müsbət nümunə kimi qeyd olunub.
Hesabatda həmçinin 2023-cü ilin 29 sentyabr tarixində Bakıda keçirilən “Yeni nəsil iqtisadiyyatda Süni İntellekt : çağırışlar və imkanlar” kofransına da toxunularaq, tədbirin tərəfdaşlıq və icmaların inkişafında rolunu qeyd edilib.
Dördüncü Sənaye İnqilabı Mərkəzləri qlobal şəbəkə vasitəsilə sənayelərin, iqtisadiyyatların və cəmiyyətlərin ədalətli və insan mərkəzli transformasiyası üçün texnoloji tərəqqinin tam potensialından istifadə etməkdə maraqlı tərəflərə kömək etmək missiyasını inkişaf etdirirlər.
