Bu gün ölkəmizdəki ən böyük mübahisə mövzularından biri məhz mobil operatorlar təklif edilən internet paketləridir. Belə kİ, bir çox insan hansı operatorun daha ucuz internet paketi təklif etməsi barəsində mübahisə edir. Görünən odur ki, bu mübahisələr getdikcə daha da qəlizləşəcək, çünki Azercell bəzi internet paketlərinin qiymətini qaldırır. Artıq “Azercell Telekom” MMC-nin abunəçilərinə təqdim etdiyi 500 MB və 50 GB aylıq internet paketləri bahalaşır.
Qeyd edək ki, Azercell şirkəti 500 MB və 50 GB internet paketlərinin qiymətini müvafiq olaraq 4 və 35 manata qaldırır. Daha əvvəl isə bu internet paketləri müvafiq olaraq 3 və 30 manata təklif olunurdu. Xoşbəxtlikdə Azercell bununla yetinir və digər internet paketlərinə toxunmur. O cümlədən yeni qiymət tarifləri 1 noyabr 2023-cü ildən etibarən tətbiq ediləcək. Hazırda qiymətlər sabit olaraq qalır. Bundan əlavə şirkət xüsusiləşdirilə bilən İstəSən tarifini də təklif edir. Xatırladaq ki, bu tarif ötən ilin oktyabr ayından bizlərə təqdim edilmişdi. Bu tarifdə 30 dəqiqə və 3GB internet ilə başlayan seçimlər ilə istifadəçilər özlərinə məxsus paketi yarada bilirlər.
Ümumiyyətlə Azərbaycanda ən sərfəli mobil internet paketi hansıdır? Əgər siz bu sualın cavabını ətraflı olaraq bilmək istəyirsinizsə saytımızda olan eyni başlıqlı məqaləmizə göz ata bilərsiniz. Lakin nəticə olaraq deyə bilərik ki, bu sualın cavabı hər bir istifadəçi üçün fərqli ola bilər. Belə ki, aylıq 1GB və ya 750MB internet paketi istifadə edən şəx üçün ən sərfəli paket Nar mobil operatorunun 4 manata təklif etdiyi paket sərfəlidir. Lakin aylıq 20-30 GB internet paketi istifadə edən şəxs üçün Azercell-in təklif etdiyi 25 manata 30GB internet paketi daha məntiqli görünür. Lakin mövzu sadəcə internet paketi ilə bitmədiyində sualın cavabı elə də asan deyil.
