Ötən gün Berlində baş tutan qlobal bazar üçün təqdimat zamanı Xiaomi 13T seriyası rəsmi olaraq təqdim olundu. Xiaomi 13 modelinin dizayn fəlsəfəsini təməl alan Xiaomi 13T seriyası olduqca ideal görünüşü rəqabətcil texniki xüsusiyyətlərlə birləşdirdi. Məşhur texnologiya nəhəngi Xiaomi, xüsusilə Xiaomi 13T seriyasında LEICA-nın gücündən və kamera performansından çox bəhs etdi. Nəticədə şirkət dizayn, performans və fotoqrafiya bacarığının müstəsna birləşməsini nümayiş etdirən Xiaomi 13T və Xiaomi 13T Pro-dan ibarət Xiaomi 13T seriyasını rəsmi olaraq təqdim etdi.
İlk növbədə performans kimi sadə detallarla danışmaqla başlayaq. Xiaomi 13T modeli 256GB-a qədər yaddaş seçimi ilə təklif olunan Dimensity 8200-Ultra çipseti ilə təchiz olunur. Xiaomi 13T Pro modeli isə 1TB-a qədər təklif edilən daha güclü Dimensity 9200+ çipsetinə malikdir.
Həm Xiaomi 13T seriyası daxilində hər 2 model olduqca güclü 6,67 düymlük OLED düz ekran panelinə malikdir. Daha yeni nəsil ekran paneli 144Hz görüntü yeniləmə tezliyi, FHD+ təsvir ölçüsü və 2600 nitdən çox pik parlaqlığı ilə immersiv istifadəçi təcrübəsi vəd edir.
Həm Xiaomi 13T, həm də Xiaomi 13T Pro eyni kamera quruluşuna malikdir. Xiaomi 13T əsas kamerası üçün 1/1,28 düymlük 50 MP Sony IMX 707 sensorundan istifadə edir, 8 MP ultra-geniş bucaqlı kamera və 2 qat optik yaxınlaşdıran 50 MP OV50D telefoto kamera ilə gəlir. Sony IMX 707 sensoruna malik olmasına baxmayaraq, Xiaomi 13T seriyası təəssüf ki, 4K60FPS video qeydini dəstəkləmir. O, 4K30FPS video qeydlər təklif edir, əgər 60FPS-də qeyd etmək istəsəniz FHD formatına keçməli olacaqsınız. Qeyd edək ki, əsas kamerada OIS stabilizatoru mövcuddur.
Bu il Xiaomi T seriyası öz “fotoqrafik üslubunuzu” təyin etmək qabiliyyətini gətirir. Bu, demək olar ki, kamera tətbiqinə quraşdırılmış əvvəlcədən təyin edilmiş proqrama bənzəyir. Müəyyən etdiyiniz eyni rəng tənzimləməsi ilə çoxlu kadrlar çəkə bilərsiniz. 13T Pro-nun edə biləcəyi, lakin sadəmodelinin edə bilmədiyi şey 10 bitlik LOG video qeydidir.
Xiaomi 13T, 67 Vatt sürətli şarj ilə 5000 mAs batareyaya malikdir. 13T Pro kimi sürətli deyil, lakin əksər insanlar üçün olduqca yaxşıdır. Çünki, Xiaomi 13T Pro modelində 5000 mAs batareya və 120 Vatt sürətli şarjı dəstəkləyir.
Əvvəlki modellə müqayisədə Xiaomi 13T seriyası ciddi təkmilləşdirmələr təklif edir. Keçən ilki 12T seriyası telefoto kamera ilə gəlmirdi və 13T-nin ekranı 2600 nit parlaqlığa malikdir ki, bu da Xiaomi 13 Ultra-nın maksimum ekran parlaqlığına bərabərdir. Flaqman səviyyəli ekranı və yaxşı kamera quruluşu ilə Xiaomi 13T bu il rəqabətədavamlı telefon kimi görünür. LPDDR5X RAM hər iki cihazda mövcud olsa da UFS 3.1 texnologiyası sadə modeldə, UFS 4.0 isə “Pro” modeldə istifadə olunur. Xiaomi həmçinin hər telefon üçün 4 illik Android yeniləmələri və 5 illik təhlükəsizlik yeniləmələri təklif edir. Həm 13T, həm də 13T Pro IP68 sertifikatı ilə gəlir. Dolby Atmos dəstəkli stereo səs ucaldanlar da smartfonlarda öz yerini tapır.
Xiaomi 13T seriyasının qiyməti nədir?
Xiaomi 13T modelinin qiyməti Avropa bazarına aid olmaqla 8-256GB yaddaşa sahib variantı üçün 650€ təşkil edir. Xiaomi 13T Pro modeli isə 12-256GB yaddaşa malik başlanğıc variantında 800€ qiymətlə təklif edilir. Smartfonun Azərbaycan bazarı üçün təqdimat tarixi isə 28 sentyabr tarixinə təsadüf edəcək. Yəni, növbəti gün axşam Xiaomi 13T seriyası ilə eksklüziv tanışlıq üçün bizi izləmədə qalın.
