Tesla AI Day 2022 tədbirində maraqla gözlənilən robotu Tesla Optimus robotunun ilk versiyasını və robotun bəzi funkasiyalarını göstərdi. Bu tədbirdə Tesla şirkəti bizə gələcəkdə texnologiyanın hansı səviyyəyə çata biləcəyi haqqında da bir fikir verdi.
Tesla şirkətinin maraqla gözlənilən robotunun tam olaraq yekun variantı hələ hazır olmasa da robotun hansı potensiala sahib olduğu barədə bəzi fikirlər yarada bildilər. İlk olaraq Teslanın yekun variantı hazır olmamış robotu Bumble C səhnəyə çıxarıldı. Səhnədə robotun bəzi rəqs hərəkətləri edə bildiyi göstərildi. Daha sonra isə bundan biraz daha çətin hərəkətlər etməsi üçün əmrlər verildi. Robot bu hərəkətlərin öhdəsindən müvəffəqiyyətlə gəldi.
Tesla Optimusun özəllikləri
Bumble C versiyasının ardından isə gözlənilən və bir müddətdir ki, inkişaf prosesində olan model Optimus qarşımıza çıxarıldı. Göstərilən bu versiya səhnəyə əl arabasında gətirildi. Çünki yerimə bacarığı hələki mövcud deyildi. Elon Musk robotun ən qısa zamanda yeriyib və bir çox hərəkəti edə biləcəyini qeyd etdi. Tesla Optimus həm də insana bənzəyən görünüşü ilə fərqlənir. Bir dəstək üzərində asılı duran robot başı əlləri və ayaqları ilə bəzi hərəkətləri etdi. Elon Musk -a görə bu versiya hərəkət sərbəstliyinə görə final versiyaya çox yaxındır. Tesla ideal insana bənzərlik xassələrinə sahib olmaq üçün üçün 200-dən artıq sərbəst hərəkət dərəcəsi üçün 28 konstruktiv aktuator (avtonom idarə sistemlərinin elementi) əldə edəcək. Qollarda isə 11-dən artıq hərəkət üçün konstruktiv elementlər yerləşdiriləcək.
Tesla Optimus 2,3 kVts batareya paketinə, Tesla elektron bloklarına və Wi-Fi + LTE bağlantılarına malik robotun əl, bilək və ya diz kimi oynaqlarında məlumatları ayrıca emal edən aktuatorlar var. Robot öz süni intellekti ilə bu aktuatorları işə salır və verilən əmri yerinə yetirmək üçün hansı hərəkəti etməli olduğunu anlayır. Təqdim edilmiş robot elektromobillərdəki FSD (full-self driving) avtonom idarəetmə texnologiyalarının bir bənzərini əldə edib. Nəticədə ətraf mühiti aktiv analiz edərək hərəkətini təmin etməyi bacarır.
Tesla mühəndisləri bunuda qeyd edir ki, robot hər cürə böyüklükdə cisimləri daşıya bilmək qabiliyyətinə malikdir. Bundan əlavə Tesla Optimus ləqəbli robot xırda və həssaslıqla tutulması lazım olan cisimləri də başa düşə biləcək.
Tesla Optimus neçəyə satılacaq?
Elon Musk’a görə, Optimusun qiyməti 20.000 dollardan aşağı olacaq və Bumble C-dən daha çox şey edə biləcək. Musk, Optimus ilə birlikdə fabriklərdə avtomobil istehsalında işləyə biləcək robotlara keçid ediləcəyini bildirib. Bu o deməkdir ki, Tesla gələcəkdə öz avtomobillərini istehsal etmək üçün öz robotlarından istifadə edə bilər. Elon Musk, Optimus ilə digər inkişaf etmiş insanabənzər robotlar arasındakı fərqə də toxunub. Lakin robot hələ də tam yekun vəziyyətinə çatmadığı üçün, bu fikirlər yalnız robotun imkanlarını gördükdən sonra məna kəsb edəcək. Siz Tesla Optimus ilk insanabənzər robotu Optimus haqqında nə düşünürsünüz ? Şərhlərdə fikirlərinizi bizimlə bölüşə bilərsiniz.
