Elon Musk yeni nəsil Neuralink beyin çipinin təqdimat tarixini açıqlayıb. Tədbir haqqında şirkət rəhbəri Twitter sosial şəbəkə hesabında məlumat paylaşıb. Bu payız yeni beyin çipi haqqında ətraflı məlumat veriləcək. Təqdimat zamanı nə göstəriləcəyi məlum deyil. Lakin şayiələrə görə yeni məhsul anons edilə bilər və bu sahədə tanınmış Syncrhon ilə əməkdaşlıq edəcək.
Yeni nəsil Neuralink beyin çipi 31 Oktyabr tarixində tanıdılacaq. Elon Musk yeni nəsil beyin çipinin detalları haqqında informasiya verməyib. Bəzi şayiələrə görə biznesmen bu sahədə rəqibi olan “Synchron” şirkətinə yatırım etməyi planlaşdırırdı. Eyni zamanda Synchron şirkəti öz beyin çipi məhsulunu uğurla xəstəyə (açıq əməliyyat aparmadan) quraşdırmışdır. Nəticədə Elon Musk-ın Neuralink layihəsi geridə qalıb.
Neuralink və Synchron şirkətləri əməkdaşlıq edəcək
Ehtimal olunur ki, tədbir zamanı Neuralink və Synchron şirkətləri arasında tərəfdaşlıq razılaşması açıqlanacaq. Son zamanlar Maskın şirkəti işlərində çətinliklər ilə qarşılaşır. ABŞ-nin FDA tənzimləmə agentliyi, Neuralink çiplərinin insanlarda sınaqdan keçirilməsi üçün təsdiq almağa nə qədər yaxın olduğunu hələ bildirməyib. Bundan əlavə mətbuatda yayılan məlumatlara görə, Neuralink şirkəti yaranandan etibarən həmtəsisçilərin əksəriyyəti artıq onu tərk edib. Bu günə qədər layihənin ən məşhur nailiyyəti meymuna çip taxılması olaraq qalır.
Neuralink şirkəti 2021-ci ildə Peycer adlı makakanın beyninə çip quraşdırmışdı. Nəticədə meymun joystik köməkliyi ilə oyun oynamağı öyrənmişdir. Prosedur zamanı çipin köməkliyi ilə heyvanın hansı beyin hissələrinin aktivləşdiyini müəyyən olunub. Joystik söndürüldükdə isə heyvan düşüncə gücü ilə virtual obyekti idarə edirdi.
Avstraliya şirkəti Synchron isə 2021-ci ilin sonunda öz neyrokompüter interfeysini insan beyninə quraşdıra bilmişdir. Nəticəsi isə uğurlu olmuşdur. Bu çip amiotrofik yanal sklerozdan əziyyət çəkən 62-yaşlı Filip O’Kiff adlı xəstəyə quraşdırılmışdır. Filip uğurlu implantasiyadan sonra tviterdə post paylaşmışdır. Əlavə olaraq yarım saat ərzində suallara cavab verməyi bacarmışdır.
Gördüyünüz kimi Synchron şirkəti Neurolink şirkətindən qat-qat irəlidədir. Məs bu səbəbdən Elon Musk onlar ilə əməkdaşlıq etməyə can atır və deyəsən, istədiyinə nail ola biləcək.
