Oksford alimləri oyun oynayanlar ilə bağlı yeni araşdırmanın nəticələrini paylaşıblar. Oksford İnternet-institunun tədqiqatçıları ən böyük 7 oyun tərtibatçılarına müraciət ediblər. Müraciətin səbəbi oyunçular arasında genişmiqyaslı eksperiment keçirmək istəyi olub. Alimlər 2020-ci ildə keçirdikləri araşdırmanı təkrarlamağa çalışıblar. Həmin araşdırmanın nəticələrinə görə oyun oynayan insanlar özlərini daha xoşbəxt hiss etdiklərini qeyd edirdilər. Lakin 2020-ci ildə aparılan bu araşdırma subyektiv qiymətləndirməyə əsaslanmadığından real görünmürdü. Yeni araşdırmada isə 39 000 könüllü oyunçu iştirak edib.
Oksford institunun araşdırmasında 39 000 insan iştirak edib
Professor Przybylski qeyd edir ki, hal-hazırda dünya üzrə bir milyarda yaxın insan mütəmadi də olsa video oyunları oynayır. İnsanlar zövqlərinə görə fərqli oyunlar oynayırlar. Əksər oyunlar isə mütləq şəkildə bizi oyun daxilində ya çox ruhlandırır, ya da çox hirsləndirir. Oksford universitetinin tədqiqatçıları isə, yeddi ən məhşur oyunu oynayan 39 000 insanın məlumatlarını analiz edib.
Oksford alimləri tərəfindən aparılan araşdırmada Eve Online, Animal Crossing: New Horizons, Forza Horizon 4, Apex Legends, Gran Turismo Sport, Outriders və The Crew 2 oyunlarını oynayan insanların reaksiyaları tədqiq edilib. Sədalanan oyunlar fərqli oyun janrlarınaa aiddir. Həmin oyunların tam fərqli oyun süjetləri və tələbləri var. Uyğun olaraq da oyunçulara fərqli emosional təsir göstərirlər. İştirakçılar isə hər oyun sessiyasından sonra müxtəlif göstəricilərə uyğun qiymət veriblər.
Oyunlar insanlara əslində saxta həzz verir
Qiymətləndirmələrin təhlinindən sonra oksford alimləri yeni qənaətə gəlmişdilər. Oyun prosesi heç bir halda insanın psixoloji sağlamlığına təsir etmir. Nə oynanış müddəti, nə oyunun atmosferi, nə qrup və ya fərdi şəkildə oynama oyunçunun zehninə heç bir şəkildə təsir etmir. Bu isə təbii ki, normal insanların davranışlarında dəyişikliklərə səbəb olmur.
Psixoloji vəziyyətin dəyişməsi əsasən, insanların yaşayış mühiti və ya həyatında yaşadığı problemlər ilə əlaqəlidir. Yəni, əvvəlcədən hər hansısa bir problem yaşamış insan oyunda da çətinliklər və ya insanı əsəbləşdirən halla qarşılaşdıqda psixiloji vəziyyəti daha gərginləşə bilir. Lakin normal şəraitdə oyunda yaşanan halların problemsiz insanların psixologiyasına hansısa təsiri elmi araşdırmalar nəticəsində qeyd alınmayıb.
Təəsüf ki, insanların oyun oynaması yalnız aldadıcı həzz verir və həyatda ala biləcəyimiz həzzi təbii ki, əvəz edə bilməz. Oyun oynamaq sadəcə olaraq xoş və biraz da asılılıq yaradan əyləncə prosesidir. Bəs siz gündəlik həyatınızda oyun oynamağa nə qədər zaman ayırırsınız ?
