Tesla şirkətinin ötən günlərdə Optimus modelləri ilə həyata keçirdiyi nümayişin əslində bir oyun olduğu məlum olub. Belə ki, tədbirdə Tesla Optimus robotlarının insanlar tərəfindən idarə olunduğu və onların əslində avtonom işləmədiyi ortaya çıxıb.
Xatırladaq ki, ötən həftə keçirilən tədbirdə Tesla bir çox əhəmiyyətli açıqlamalar etmişdi. Tədbirdə şirkətin uzun müddətdir ki, gözlənilən robotaxi modeli Cybercab və onun ilk avtobusu rəsmi olaraq təqdim edilmişdi. Həmçinin, tədbirdə Tesla bir müddətdir üzərində çalışdığı yeni insanabənzər Optimus robotları ilə şou göstərmişdi. Ancaq son xəbərlər bu şounun göründüyü kimi olmadığını ortaya çıxarıb. Məlum olub ki, Tesla Optimus robotları əslində insanlar tərəfindən daha dəqiq desək, Tesla mühəndisləri tərəfindən idarə edilrmiş.
Bu robotların əslində avtonom olmadığı isə tədbirin iştirakçılarının açıqlamaları ilə üzə çıxıb. Məsələn, iştirakçılardan biri Robert Skobl Optimusdan soruşub ki, onu nə qədər süni intellekt idarə edir. İstehzalı bir ton qəbul edən Optimus, “Bir az” cavabını verib. Hadisəni araşdıran Skobl, robotların arxa planda olan insanlar tərəfindən idarə edildiyini və robotların hərəkətlərini süni intellektin robotların hərəkətini yönləndirdiyi bildirib. Bununla yanaşı, Robert Scoble Tesla Optimus şousu haqqında açıqlama verən yeganə ad olmayıb. Morgan Stanley analitiki Adam Jonas da mövzu ilə bağlı açıqlama verərək Optimus şousunun göründüyü qədər real olmadığını bildirib. Conasın izahatına görə, robotlar insan müdaxiləsi sayəsində nümayişi həyata keçirə biliblər. Hətta iştirakçıların sözlərinə görə Optimus bəzilərinə “Bu gün məni bir insan dəstəkləyir” deyib.
