Yaxın bir neçə ay ərzində OpenAI, generativ süni intellekt modelinin yeni versiyasını təqdim etməyə hazırlaşır. Belə ki, ortaya çıxan yeni iddalara görə OpenAI “əhəmiyyətli dərəcədə təkmilləşdirilmiş” GPT-5 dil modelini yaz aylarında təqdim edəcək. Süni intellekt nəhəngi artıq dil modelinin əhəmiyyətli hissəsini hazırlayıb.
Beləliklə, iddialar özünü doğruldarsa, yayda OpenAI GPT-4 dil modelini GPT-5 ilə əvəzləyə bilər. Ümumiyyətlə, süni intellekt tərəfində yeniliklə çox sürətlə təqdim edilir. Son bir neçə il ərzində OpenAI GPT dil modelini inanılmaz səviyyədə təkmilləşdirməyi bacarıb. Sadəcə çatbot ilə həyatımıza daxil olan süni intellekt indi həm kod yaza, həm video, həm şəkil hazırlaya, həm də insanların səsini təqlid edə bilir. Bundan əlavə, yaxın aylarda təqdim etməsi gözlənilən yeni dil modeli böyük ehtimalla öz daxilində fərqli versiyalara sahib olacaq. GPT-4-dən çox daha bacarıqlı və daha geniş olacaq model, bəzi iddialara görə, ilk mərhələdə yalnız ödənişli ChatGPT istifadəçiləri üçün əlçatan olacaq. Tək API olaraq da təklif ediləcək sistem OpenAI üçün bir çox fərqli və daha böyük gəlir qapıları aça bilər və eyni zamanda daha çox insanı işsiz qoya bilər.
Qeyd edək ki, bundan əvvəl, xüsusi bir ChatGPT addımı gündəmdə idi, sistem çox faktorlu autentifikasiya ilə təhlükəsizliyi artırmışdı. Təhlükəsizlik üçün məntiqli bir addım atan şirkət, çoxfaktorlu autentifikasiya ilə hesab təhlükəsizliyini ciddi şəkildə gücləndirmişdi. Bu sistemin nə olduğunu bilməyənlər üçün qısaca belə izah olunur: “Çox faktorlu autentifikasiya hesaba daxil olmaq üçün çox mərhələli bir prosesdir və istifadəçilərdən sadəcə paroldan daha çox məlumat daxil etməyi tələb edir. Məsələn, istifadəçilərdən parollarına əlavə olaraq e-poçt ünvanlarına göndərilən kodu daxil etmək, gizli suala cavab vermək və ya barmaq izini skan etmək tələb oluna bilər”.
