Beləliklə, mobil tərəfdəki süni intellekt çatışmazlığını Samsung brendi yeni hazırladığı xüsusi çiplərlə doldurmağa çalışacaq. Ümumiyyətlə, süni intellekt tərəfində bir çox uğurlar qazanan Nvidia kompüterlər üçün müxtəlif süni intellekt texnologiyaları təqdim etsə də, mobil tərəfdə heç bir yenilik etmək ehtiyacı duymurdu. Mobil dünyada yaranan süni intellekt çatışmazlığı isə Samsung üçün yeni fürsət yaratdı.
Mobil dünyada qeyri-kafi olan süni intellekt mühərriklərinə həll yolu tapmaq istəyən Samsung, xüsusi çip hazırlamağa başladı. Hətta Samsung mobil tərəfdəkli süni intellekt çatışmazlığını doldurmaq üçün gələn ilin ortalarında yeni Mach-1 çipini təqdim edəcək. Bildiyimiz kimi, Nvidia hələ mobil dünyaya hakim olacaq çip hazırlamayıb. Qualcomm, Samsung və MediaTek kimi şirkətlər öz həlləri ilə bu sahədə iştirak edirlər. Bununla belə, güclü süni intellekt mühərriki güclü prosessor tələb edir. Hətta Snapdragon 8 Gen 3 çipsetinin belə süni intellekt mühərriki üçün qeyri-kafi ola biləcəyi bildirilir.
Samsung isə bu nöqtədə addım atmağa hazırlaşır. Mach-1 adlanan süni intellekt çipi əsas prosessordan asılı olmayaraq müvafiq xüsusiyyətləri öz üzərinə götürəcək və beləliklə, sistem yükünü azaldacaq. Şirkət bu çipi ən tez 2025-ci ildə təqdim etmək istəyir, Onu da qeyd edək ki, Samsung Galaxy S25 seriyasında bu çipdən istifadə etməyi düşünmür. Mobil çiplərdə artıq süni intellekt mühərrikləri var, lakin onlar təkmil alqoritmlər üçün kifayət deyil. Yuxarıda qeyd etdiyimiz kimi, Samsung Nvidia kimi dominant oyunçunun olmadığı mobil bazarda özünü göstərə bilsə, yeni bir inqilabın qapılarını aça bilər.
