Dünya artıq uzun müddətdir ki, alternativ və bərpa olunana enerji axtarışındadır. Belə ki, artıq bir çox ölkə enerji ehtiyaclarını qarşılaya bilmək üçün bərpa olunan enerji mənbələrinin tikintisinə başlayıb, bəziləri isə artıq bitirib. Çini bitirən ölkələrə misal olaraq da göstərə bilərik. İndi isə Hindistandan olan kömür milyarderi Sagar Adini-yə məxsus Adani Green Energy Limited şirkəti tərəfindən dünyanın ən böyük bərpa olunan enerji layihəsi start götürüb.
Qeyd edək ki, Paris şəhərindən 5 dəfə böyük olan və hətta kosmosdan belə görünən dünyanın ən böyük bərpa olunan enerji layihəsi artıq hazırlıq mərhələsindən tikinti mərhələsinə keçid edib. Layihə başa çatdıqda, yaranan enerji obyekti İsveçrə üçün kifayət qədər elektrik enerjisi istehsal edəcək. Layihə başa çatdıqda, yaranan enerji obyekti isə İsveçrə üçün kifayət qədər elektrik enerjisi istehsal edəcək. Kömür milyarderi Sagar Adaninin Adani Green Energy Limited (AGEL) şirkəti layihənin baş müəllifidir və bu bərpa olunan enerji obyekti Hindistanda tikilir.
Adani Qrupunun təmiz enerji bölməsi AGEL Hindistanın qərbindəki Qucarat əyalətində təxminən 20 milyard dollar dəyərində meqamiqyaslı günəş və külək elektrik stansiyası tikir. Təxminən beş il ərzində tamamlanması planlaşdırılan obyekt dünyanın ən böyük bərpa olunan enerji parkı olacaq. Tam gücünə çatdıqda 16 milyon ev təsərrüfatını təmiz enerji ilə təmin edəcək. Bu o deməkdir ki, İsveçrəni elektrik enerjisi ilə təmin etmək üçün kifayət qədər elektrik enerjisi istehsal olunacaq. Hindistanın 2070-ci ilə qədər xalis sıfır emissiyaya çatmaq məqsədi olsa da, bu onilliyin sonuna qədər ölkənin enerji tələbatının 50 faizini bərpa olunan enerji mənbələrindən qarşılamağı planlaşdırır. Hindistan bu hədəfə nail olmaq üçün 6 il ərzində 500 gigavatt (GW) bərpa olunan enerji gücü yaratmalıdır.
“Khavda Renewable Energy Park”-ın uğurla tikilməsi, dünyanın ən sıx məskunlaşan ölkəsi və ən sürətlə inkişaf edən böyük iqtisadiyyatının artan enerji ehtiyaclarını ödəməklə yanaşı, Hindistanın çirklilik göstəricilərini azaltmaq və iqlim məqsədlərinə çatmaq səyləri üçün vacibdir. Hindistanın istehsal etdiyi elektrik enerjisinin 70 faizi hələ də kömürün payına düşsə də, yeni layihələrlə bu göstərici əsaslı şəkildə azaldılacaq. Khavda enerji parkı ötən ay ilk enerjisini də istehsal etməyə başlayıb. Belə ki, Obyekt hazırda 551 MVt günəş enerjisi gücünə malik olsa da, layihə tamamlandıqda 30 GVt təmiz enerji istehsal olunacaq.
