Bildiyimiz kimi, parlaq günəş işığı altında smartfondan istifadə etmək istifadəçilər üçün həqiqətən də çətinlik törədir. İstifadəçilər bəzən parlaqlığı artırmadan ekranda nə olduğunu demək olar ki, görə bilmir. Lakin ekran parlaqlığının da maksimum səviyyəyə çatması enerji istehlakını artırdığı üçün smartfonun şarjı daha tez tükənir. İndi isə Apple şirkəti, iPhone modellərinin ekranında olan yeni texnologiya ilə günəş işığının əksəriyyətini əks etdirməyəcək və bloklayacaq.
Beləliklə Apple şirkəti, iPhone modellərinin günəş işığı altında istifadəsini daha rahat edə biləcək texnologiya ilə əks etdirməni əhəmiyyətli səviyyədə azaldacaq. Artıq ortaya çlxan bir neçə iddia onu göstərir ki, yeni texnologiya iPhone-lar üçün həqiqətəndə faydalı olacaq. Ümumiyyətlə, bu yeniliyi ilin əvvəlində Samsung yeni Galaxy S24 modellərində ortaya çıxarmışdı. Belə ki, Galaxy S24 Ultra modeli əks etdirməyə qarşı örtüyü ilə həqiqətən də rəqiblərindən seçilirdi. Analitiklər bu modeli Apple şirkətinin iPhone 15 Pro modeli ilə müqayisə etdikdə fərqi açıq-aydın görmək olurdu.
Ortaya çıxan ilk iddialar iPhone 17 modelinin ekranının “düşündüyünüzdən daha davamlı” və “əks etdirməyə qarşı effektiv” olduğu bildirilir. Іnѕtаnt Dіgіtаl mənbəsi bildirir ki, istifadə olunan ekran Соrnіng Gоrіllа Glass-a çox bənzəyir. Corning-ə görə, bu texnologiya həm zərbələrə qarşı davamlı, həm də əks etdirməyə qarşı effektivdir. Belə ki, standart ekran örtükləri ilə müqayisədə Corning Gorilla Armor əks etdirməni 75% azalda bilir. iPhone həvəskarları üçün pis xəbər isə, bu yeniliyin iPhone 16 seriyasında bizlərə təqdim edilməyəcəyidir.
