Xiaomi rəsmi olaraq Civi seriyasından yeni smartfonunu təqdim etdi. Söhbət parlaq ekran, üst seqment səviyyəsində çipset və ikili selfi kamerası ilə təchiz edilmiş Civi 4 Pro-dan gedir. Cihaz həm də Qualcomm-un yeni flaqman Snapdragon 8s Gen 3 çipini özündə əks etdirən ilk rəsmi təqdim edilən smartfondur. Gəlin, Xiaomi 14 Lite olaraq qlobal bazara gələcəyi iddia edilən cihaz haqqında daha ətraflı tanış olaq.
Xiaomi Civi 4 Pro “mikro əyri” kənarları olan, yəni xaricə doğru qabaran 6,55 düymlük AMOLED CSOT C8 displeylə təchiz edilib. Bu panel 2750 × 1236 piksel olan 1.5K təsvir ölçüsünü və 120 Hz yeniləmə sürətini dəstəkləyir. Tam olaraq 3000 nit pik parlaqlığı təmin edir. Ekran 240 Hz toxunma seçmə sürətini, 2160 Hz-də PWM parlaqlığına nəzarəti və Dolby Vision və HDR10 texnologiyalarını dəstəkləyir. Ekran Corning Gorilla Glass Victus 2 ilə zədələrdən aqressiv bir qorunma dəstəyi gətirir.
Ekranın yuxarı hissəsində ikili selfi kamerası olan bir kapsul var. 32 MP sensorlardan biri 78º baxış bucağı, digəri 100º baxış bucağı olan obyektivi özündə birləşdirir. Saniyədə 30 kadr sürətlə 4K video çəkilişi dəstəkləyir. Light Fusion 800 əsas sensoru 1/1,55 düym ölçüsündə gəlir. İlk dəfə keçən ilin sonlarında buraxılan Redmi-nin flaqman K70 Pro tərəfindən istifadə edilən bu sensor Xiaomi 14 Pro-nun 1/1.31″ Light Fusion 900 (OVX9000) əsas sensorundan bir qədər kiçikdir. Digər kameralarmız 50MP 2 qat telefoto, 120 dərəcə FoV olan 12MP ultra geniş bucaqlı obyektivlərlə təchiz edilib. Kamera adasının içərisində kvadrat formalaşmasını tamamlayan tək bir LED flaş var.
Bundan əlavə, Leica Summilux obyektivləri də ilk dəfə premium seqmentdən olmayan bir cihaz olan Xiaomi Civi 4 Pro modelində işlədilib. Unikal işıq keçirici xüsusiyyətlərə malik xüsusi şüşədən söhbət gedir.
Civi 4 Pro-nun performansı 4nm prosesində istehsal edilmiş Snapdragon 8s Gen 3 güc verir. Performans göstəricisi ilə bağlı saytımızdakı məqaləyə ziyarət edə bilərsiniz. Xatırladaq ki, bu çipset Snadragon 8 Gen 2 çipsetindən güclü, Snapdragon 8 Gen 3 çipsetindən zəifdir. Soyutma sisteminə 4184 mm²-lik buxar kamerası daxildir.
Simsiz əlaqə Wi-Fi 802.11 a/b/g/n/ac/6 və Bluetooth 5.4 modulları ilə təmin edilsə də, NFC-dən yan keçilməyib. Barmaq izi skaneri displey sahəsinə inteqrasiya olunub. Enerji mənbəyi 67 Vt sürətli simli doldurma dəstəyi ilə 4700 mAh-dır. Enerji təchizatını dəstəkləmək üçün USB Type-C 2.0 standartı təmin edilir. Xiaomi Civi 4 Pro qara, yaşıl, mavi və çəhrayı bədən rənglərdə mövcuddur. 12 GB RAM və 256 GB ROM-a malik modelin qiyməti təxminən 415 dollar, 12 GB RAM və 512 GB ROM-a malik versiyanın qiyməti 460 dollar, 16 GB RAM və 512 GB-lıq modelin qiyməti 500 dollar olacaq.
Xiaomi Civi 4 Pro-nun qlobal bazara Xiaomi 14 Lite kimi gəlməsi, eyni zamanda flaqman xüsusiyyətlərə malik ilk “Lite” cihaz olması gözlənilir. Şirkət bu smartfonlar orta-üst seqmentdə mövqeyini daha da gücləndircək.
