OpenAI-nin uzun müddətdir gündəmdə olan Google rəqibi axtarış sistemi olan “SearchGPT” rəsmi olaraq təqdim edilib. Məhsuldar süni intellektə əsaslanan söhbət botu ChatGPT ilə internetin görünən üzünü idarə edən Google-u böyük qorxuya salan OpenAI, bu gün prototipini açıqladığı SearchGPT ilə sıçrayış edib.
![SearchGPT axtarış](https://tedroid.com/media/2024/07/openai-searchgpt-suni-intellekt-axtaris-jpg.avif)
İnternetə çıxış sayəsində aktual mövzular ilə bağlı suallara aydın və sürətli cavab verə bilən axtarış sistemi və ya mühərriki olan SearchGPT təəssüf ki, hazırda hər kəs üçün əlçatan deyil. Nə vaxt geniş miqyasda istifadəyə veriləcəyi hələ açıqlanmayan sistem, verilən suallara yazılı olduğu kimi vizual cavab da verə bilir və cavablar yaradılarkən istifadə etdiyi mənbələri aydın şəkildə göstərir. Əlavə sualları da dəstəkləyən sistem ChatGPT-dən fərqli olaraq daha çox ümumi suallara və cari hadisələrə diqqət yetirir.
Buradakı linkdən gözləmə siyahısına qoşula biləcəyiniz SearchGPT haqqında açıqlama verən Open AI-nin CEO-su Sam Altman bildirib ki, “Düşünürəm ki, axtarış infrastrukturlarını bugünkündən daha yaxşı edə bilərik. Mən köhnə axtarış infrastrukturları ilə müqayisədə yeni sistemə çox tez uyğunlaşdım və bu məni təəccübləndirdi”. Bing axtarış sisteminin arxasında duran Microsoft ilə mühüm əməkdaşlıqlar quran OpenAI, axtarış prosesinə süni intellekti daxil etmək istəyən yeganə şirkət deyil. Google da uzun müddətdir ki, süni intellektə əsaslanan axtarış sistemi inkişaf etdirir. Bununla belə, Google-un yeni nəsil axtarış infrastrukturunda işlər gözlənildiyi kimi getmir.