Apple, məhsullarını ağır şərtlər altında sınaqdan keçirmək üçün Çində yeni laboratoriya açmağa hazırlaşır. Ümumiyyətlə, Apple şirkəti uzun müddətdir ki, qabaqcıl robotlar və sistemlərlə inkişaf etdirdiyi məhsulları sınaqdan keçirir. Lakin şirkət daha çox sınaqlar keçirmək niyyətindədir. Hətta bunun üçün Shenzhendə yerləşən yeni tədqiqat laboratoriyasının açılacağı bildirilir.
Təchizatçılarının əksəriyyəti bu regionda olduğu üçün Çinə və xüsusən də Shenzhenə üstünlük verdiyi ifadə edilən Apple, məhsullarında istifadə etmək niyyətində olduğu yeni materialları son dərəcə yüksək və ya həddindən artıq aşağı temperaturlara, eləcə də digər çətin şərtlərə qarşı bu mərkəzdə sınaqdan keçirəcək. Yeni istehsal texnikalarının sınaqdan keçirilməsinə də diqqət yetirdiyi bildirilən mərkəz gələcək iPhone, iPad və Apple Watch kimi məhsulların daha davamlı olmasına imkan verə bilər. Bu günlərdə Apple üçün bir çox yeni məhsul məlumatı ortaya çıxır. Məsələn ötən günlərdə müxtəlif mənbələrdən alınan dörd mühüm məlumat səs-küy yaratmışdı.
Bunlardan biri isə, Ming-Chi Kuo tərəfindən paylaşılan iddiadır. Məşhur analitikin iddiasına görə 2025-ci ildə gələcək yeni iPhone 17 Slim modelində əsas diqqət çərçivənin incəliyinə veriləcəyi üçün smartfon yalnız tək arxa kameraya sahib olacaq. Titan dəstəkli korpus üzərində də qurulduğu bildirilən smartfon, A19 çipseti və Apple imzalı 5G modemi ilə təchiz edilə bilər. Bundan əlavə, şirkətin gələn il iPhone 17, 17 Pro, 17 Pro Max və 17 Slim ilə məhsul çeşidini zənginləşdirəcəyi gözlənilir.
