Sinqapur Milli Universiteti (NUS) tərəfindən hazırlanmış yeni cihaz enerji “yığımı” texnologiyasında əhəmiyyətli irəliləyişlər əldə etmişdir. Belə ki, bu yenilik müxtəlif elektron cihazlardakı batareya ehtiyacını aradan qaldıra bilər. Beləliklə, alimlər Wi-Fi siqnallarını elektrik enerjisinə çevirən cihaz yaradıblar.
![Wi-Fi elektrik](https://tedroid.com/media/2024/07/wi-fi-elektrik-siqnallari-enerji-1-jpg.avif)
Alimlər, əsasən tullantı enerji olaraq qəbul edilən radiotezlik (RF) siqnallarını istifadə edilə bilən sabit gərginliyə (DC) effektiv şəkildə çevirə bilən yeni tip rektifikator hazırlayıblar. Bu yeni texnologiya Wi-Fi və simli şəbəkələr kimi mənbələrdən gələn RF siqnallarını istifadə edilə bilən gücə çevirir. Ümumiyyətlə, bu tərz siqnalların istifadə edilə bilən enerjiyə çevrilə bilməsi olduqca vacib hesab olunur. Çünki, bu texnologiya batareyalardan asılılığı azaldır və cihazlarını ömrünü uzadır. Bütün bunlarla yanaşı isə ətraf mühitə olan təsirləri də minimuma endirir.
Alimlərin tədqiqatı bu çevrilməyə nail olmaq üçün nanölçülü fırlanma korreksiyası ( SR ) cihazlarının istifadəsini nümayiş etdirir. Bu texnologiyadan istifadə edərək komanda temperatur sensorunu uğurla işə salıb. Daha sonra isə Schottky diodları kimi ümumi düzəldicilər aşağı güc səviyyələrində termodinamik məhdudiyyətlər və parazitar təsirlərlə qarşılaşıblar. Lakin, yekunda alimlər daha səmərəli işləyən konfiqurasiyalar yaratmaqla 7.8% lik səmərəlilik və yüksək dəqiqlik əldə ediblər. Qeyd edək ki, alimlər hələ də Wi-Fi siqnallarını elektrik enerjisinə çevirə bilən bu cihazın təkmiləşdirilməsi üçün araşdırmalar aparırlar.