Microsoft Edge tezliklə YouTube, LinkedIn və Coursera kimi saytlarda real vaxt rejimində video tərcümə etmək funksiyasını istifadəyə verəcək. Beləliklə, bəzi xəbər saytlarındakı və məşhur platformalardakı videolar daxil olmaqla bir çox videonu real vaxt rejimində tərcümə etmək mümkün olacaq. Qeyd edək ki, bu ilki Build tədbirində Microsoft, yeni süni intellekt tərəfindən dəstəklənən funksiyanın izlənilən məzmunu canlı olaraq həm audio, həm də altyazılara çevirə biləcəyini elan etmişdi.
Hal-hazırda, İspan-İngilis, eləcə də İngilis-Alman, Hind, İtalyan, Rus və İspan dilinə tərcümə dəstəklənir funksiya tərəfindən dəstəklənir. Edge-in yeni süni intellekt xüsusiyyəti insanların həyatını asanlaşdırmaqla yanaşı, eşitmə problemi olan insanlar üçün də faydalı olacaq. Əlavə olaraq, Edge brauzeri Reuters, CNBC və Bloomberg kimi xəbər saytlarından da videoları real vaxt rejimində tərcümə etməyi dəstəkləyəcək. Hələlik bir neçə müəyyən dil bu funksiya tərəfindən dəstəklənsə də, gələcəkdə onun daha çox dili və vebsaytı dəstəkləməsi qaçılmazdır.
Bu funksiyalar Microsoft-un süni intellekt üzrə köməkçisi Copilotun inkişaf etdirilmiş imkanları sayəsində Edge-də mövcud olacaq. Microsoft Edge hazırda YouTube videolarını ümumiləşdirmək imkanı təklif edir, lakin o, hər bir videonun mətn xülasəsini yarada bilmir, çünki xülasə yaratmaq üçün videonun transkriptindən istifadə edir. Bəzən isə videolarda transkriplər mövcud olmur və Edge öz funksiyasını icra edə bilmir.
