Cənubi Koreya mərkəzli Samsung, 2nm istehsal texnologiyası yarışında TSMC ilə rəqabət aparmağa hazırlaşır. Belə ki, şirkət artıq üçüncü nəsil GAA istehsal prosesi və ya 2nm üçün hazırlıqlara başlayıb. Bundan əlavə, onun ilk olaraq Exynos çipsetlərində istifadə ediləcəyi də iddia olunur. Görünən odur ki, Samsung və TSMC 2nm üzərində mübarizə aparacaq.
![Samsung 2nm](https://tedroid.com/media/2024/05/samsung-2nm-istehsal-hazirliqlara-1-1024x575.webp)
Ümumiyyətlə, son illərdə Samsung, Intel və TSMC arasında gərgin rəqabət mövcuddur. Əslində bu üç texnologiya arasında Samsung, 3nm GAA prosesinə əsaslanacağı gözlənilən Exynos 2500 platforması ilə gündəmdədir. Lakin şirkətin planları göründüyündən daha böyük ola bilər. Yeni ortaya çıxan məlumata görə, Samsung artıq 2nm proses üçün hazırlıqlara başlayıb. Naver mənbəsindəki xəbərlərə görə, Samsung “Thetis” kod adlı 2nm AP inkişaf layihəsinə başlayıb. Bu baxımdan Exynos AP adı ilə istifadəyə veriləcək yeni prosesin 2025-ci ilin ikinci yarısında kütləvi istehsala girəcəyi və 2026-cı ildə çıxacaq Galaxy S26 seriyasında təqdim ediləcəyi gözlənilir.
![Samsung 2nm](https://tedroid.com/media/2024/05/samsung-2nm-istehsal-hazirliqlara.webp)
Qeyd edək ki, Thetis yunan mifologiyasında dəniz ilahəsi və Troya müharibəsi qəhrəmanı Axillesin anasıdır. Samsungun bu adı seçməsinin səbəbi Thetis sözünün “nəsillər” terminindən törəməsi ola bilər. Pis xəbər odur ki, Koreya nəhəngi üçün ən böyük maneə həmişə səmərəlilik olub. Hətta 3nm GAA texnologiyası ilkin olaraq 20 faiz səmərəliliklə nəticələnmişdi və bu, əsasən həll olunsa da, TSMC-dən geri qalmağa davam edir. Bununla belə, 2nm prosesinin kommersiyalaşdırılması nəticəsində Samsungun Apple və Qualcomm-a qarşı rəqabətli mövqedə olduğunu deyə bilərik.