Maryland Universitetinin tədqiqatçıları Apple və Starlink şirkətlərinin coğrafi məkan sistemlərində ciddi təhlükəsizlik və məxfilik problemlərinin olduğunu müəyyənləşdirib. Araşdırma, şirkətlərin toplayıb ictimaiyyətə açıq şəkildə paylaşılan məlumatlar, dünyada milyardlarla cihazın yerini izləmək üçün istifadə edilə biləcəyini göstərir.
Apple, cihazlarının görə biləcəyi bütün Wi-Fi giriş nöqtələrinin dəqiq yeri haqqında məlumat toplayır. Bu, şirkətin cihazlarına daimi GPS istifadə etmədən istifadəçilərə yer məlumatı təqdim etməyə imkan verir. Qeyd edək ki, Google şirkətinin də buna bənzər sistemləri mövcuddur. Hər iki texnologiya nəhəngi də MAC ünvanları kimi Wi-Fi giriş nöqtəsi məlumatlarını da toplayır. Google-dan fərqli olaraq Apple, yaxınlıqdakı 400-ə qədər BSSID-nin coğrafi məkanını toplayır. Bu, cihazlara məlum giriş nöqtələrinə nisbətən məkanlarını müəyyən etməyə imkan verir. Bütün bu məlumatlar isə Маrуlаnd tədqiqatçılarının dünyanın hərhansı bir yerindəki cihazın hərəkətini izləməsinə imkan verib.
Bir milyarddan çox təsadüfi yaradılmış BSSID ilə bağlı məlumatları sorğuladıqdan sonra tədqiqatçılar 488 milyon giriş nöqtəsi haqqında məlumat əldə ediblər. Beləliklə, tədqiqatçılar məlumatları Starlink peyklərinin hərəkətlərini təqib etmək üçün də istifadə ediblər. Hər Starlink cihazının, coğrafi məkan xidmətlərini avtivləşdirmiş yaxınlıqdakı Apple cihazları tərəfindən avtomatik olaraq cihazdan indeksləşdirilən öz Wi-Fi giriş nöqtəsi var.
