Süni intellekt texnologiyasının inkişafının təsirlərindən biri də rəqəmsal klonların artması olub. Belə ki, rəqəmsal klonlar son dövrlərdə o qədər artıb ki, artıq bir çox tədbirlərdə məşhurların klonlarından istifadə edilir. Hətta məşhurlar bu problemi aradan qaldırmaq üçün süni intellekt əsaslı rəqəmsal klonları satmağa başlayacaq. Bununla da onlar həm pul qazanmış olacaq həm də icazəsiz klonların istifadəsinin qarşısı alınacaq.
Qeyd edək ki, son dövrlərdə internetdə icazəsiz bir çox məşhurun rəqəmsal klonu görünməyə başlamışdı. Məhz bu səbəbdən də məşhurlar süni intellekt əsaslı rəqəmsal klonları artıq özləri satmaq qərarına gəlib. Beləliklə bu rəqəmsal klonlar yalnız reklamlar üçün deyil həm də tədbirlərdə o cümlədən konsertlərdə belə istifadə olunacaq. Hətta məşhurların rəqəmsal klonları onların həvəskarları ilə də ünsiyyət quracaq. Rəqəmsal klonlar üzrə texnologiyalar istehsal edən Metaphysic startapının prezidenti Tom Graham bildirir ki, məşhurların rəqəmsal klonlarının yaradılması prosesi çox sadədir.
Graham bildirir ki, məşhurlar sadəcə bir neçə dəqiqəlik səhnədə dayanırlar və skanerlər onların bütün hərəkətlərini təhlil edir. Daha sonra isə onlar bu rəqəmsal klonları sata biləcəklər. Hətta ötən il New-York Moda həftəsində Puma brendi virtual təqdimatlar üçün Epic Games-in Unreal Engine mühərrikində olan MetaHuman proqramından istifadə edərək məşhur futbolçu Neymarın rəqəmsal klonunu yaradıb. Lakin şirkətlər bu cür texnologiyalar üçün külli miqdarda vəsait sərf edir. Məsələn Nike bu texnologiyardan istifadə edərkən 1.3 milyard dollar xərcləyib.
