Android Authority resursu tərəfindən Google alqoritmlərinə əlavə oluna olduqca maraqlı bir yenilik aşkar olunub. Belə ki, Google Photos tətbiqi indi kadrdakı insanları üzləri görünməsə belə tanıya bilər. Google bu xüsusiyyətin əlavə olunduğunu təsdiqləyib və onun necə işlədiyini izah edib. Yayımlanan xəbərdə yeniliyi sınaqdan keçirən müəllifin qeydlərinə əsasən, “Google Photos”-da onun fotolarına baxarkən, xidmət hətta başının arxası görünən fotolarda da onu tanıya bilir.
Alqortim bunu həm köhnə fotolarda, həm də nisbətən yeni fotolarda həyata keçirə bilir. Əvvəllər xidmət şəxsin üzü görünmədiyi halda fotoşəkilə əl ilə əlavə edilməsinə belə icazə vermirdi. Daha sonra isə alqoritmlərin inkişafına maksimum dərəcədə dəstək verilməsi indi belə bir qəribə nəticəni ortaya çıxarıb.
Google ilə əlaqə saxladıqdan sonra məlum olub ki, şirkət eyni vaxtda çəkilmiş fotoşəkillərdə geyim və digər vizual xüsusiyyətlərə görə insanların fotoşəkillərini qruplaşdırmaq üçün maşın öyrənməsindən istifadə etməyə başlayıb. Həmçinin, şəkil məlumatlarındakı zaman və yer məlumatları da burada analiz edilən detallar arasındadır. Eyni zamanda, xidmət fotoşəkildəki şəxsin kimliyinə heç də həmişə 100% əmin deyil və belə bir vəziyyətdə istifadəçiyə orada kimin təsvir edildiyini ona aydınlaşdırmağı tövsiyə edir. Bu funksiya eyni zamanda maskalar taxan və ya üzləri qismən görünən insanlar üçün də işləməkdədir.
İnsanlar xüsusilə məxfiliyin bu xüsusiyyətlər ilə birlikdə pozulacağından şübhə etsələr də Google şirkəti insanların bu cür tanınması imkanının heç bir məxfilik pozuntusuna yol açmayacağını açıqlayır.
