Tesla, SpaceX, X və Starlink şirkətlərinin rəhbəri olmaqla yanaşı dünyanın ən zəngini insanı adını qazamağı bacaran Elon Musk indi süni intellekt studiyası quraraq oyun sənayesinə daxil olur.
Elon Musk X platformasında açıqlama verərək bu gün oyun inkişaf etdirən studiyalarının əksəriyyətinin nəhəng şirkətlərə məxsus olduğunu və xAI-nin yenilikçi nəfəs gətirmək üçün yeni süni intellekt oyun studiyası quracağını açıqlayıb. Beləliklə, Elon Musk xAI süni intellekt şirkəti ilə birlikdə oyun dünyasına daxil olur. OpenAI-nin qurucu üzvlərindən biri olan, lakin şirkətinin “yolunu azmasından” sonra layihəni dəstəkləməyi dayandıran Elon Musk, X çətiri altında bir müddətdir ki, xAI ilə süni intellekt işini davam etdirir.
Beləliklə, Elon Musk xAI-nin növbəti hədəfini X platformasında elan edib. Bu layihədə xAI-nin hansı yolu izləyəcəyi hələ tam açıqlanmasa da, Maskın iddialı layihələri həyata keçirməkdə uğuru gözləntilərin artmasına səbəb olub. Süni intellekt sayəsində tərtibatçılar oyun ssenarisindən tutmuş xarakter dizaynlarına qədər bir çox proseslərin öhdəsindən daha sürətli və asan gələ bilirlər. Bundan əlavə, AI texnologiyasının üstünlüklərindən biri də səsləndirmə və dil dəstəyi kimi məsələlərdə üzə çıxır. Belə ki, daha əvvəl bu proseslər uzun əmək və vaxt sərf etməyi tələb etsə də, artıq süni intellekt ilə bunun öhdəsindən rahatlıqla gəlmək mümkün olacaq. Bütün bunlar insanları Elon Muskın gələcək oyun layihələri üçün həyəcanlandırsa da, hər kəs yeni süni intellekt oyun studiyasının qurulmasını gözləyir.
