Çin bu dəfə süni intellekt tərəfində liderliyi əldə etmək istəyir. Belə ki, Çinin texnologiya nəhəngi Baidu, Ernie AI chatbotunun ən son versiyasını təqdim etdi və indi OpenAI şirkətinin GPT-4 çatbotuna rəqib olduğunu iddia edir. Qeyd edək ki, daha əvvəl bu şirkət Ernie-nin ChatGPT 3.5-i keçdiyini iddia etmişdi. Bununla belə, həm indiki, həm də köhnə modelin performans baxımından ChatGPT və GPT modelləri ilə rəqabət aparmaqda çətinlik çəkdiyi bildirilir. Hətta təqdimat mərasimi zamanı nümayiş edilən demo versiyası o qədər də ürəkaçan olmayıb.
Baidu şirkətinin baş icraçı direktoru Robin Lin Pekində keçirilən tədbirdə Ernie modelinin daha yeni və təkmilləşdirilmiş versiyası olan Ernie 4.0 AI versiyasını təqdim etdi. Li onu da bildirdi ki, Ernie 4.0 reklam afişaları və videoları yarada bilər. IDC analitiki Lu Yanxia bildirir ki, yeni Ernie 4.0 əvvəlki versiya ilə müqayisədə əhəmiyyətli inkişaf göstərməyib. Tədbirin ən önəmli xəbərlərində biri də firmanın generativ süni intellektini Baidu Drive və Baidu Maps daxil olmaqla bütün məhsullarına inteqrasiya etməsidir. Ernie artıq Baidu Maps-dən başlayaraq Baidu xidmətlərinə inteqrasiya olunur.
Çinin ən böyük internet axtarış mühərrikinin sahibi olan Baidu mart ayında Ernie tərəfindən idarə olunan ErnieBot adlı bir çatbot işə salmışdı. Lakin bu, çatbot investorlar arasında heç də maraqla qarşılanmamışdı. Tədbir zamanı Baidu-nun baş texnologiya direktoru Wang Haifeng bildirib ki, Ernie artıq 45 milyon istifadəçi sayına çatıb.
